Palestinian Pawlih Din Hmun Harsa

International Committee of Red Cross in a tarlang nakah Gaza ih um Palestinian  minung  Million 1 leh 5,00,000 pawlcu  Israel Cozah in lamzin phunphun ih a hrem ruangah tui an dinhmun cu Thawng Inn kaupi sungih khuahkhirh mivek an si tiah a tarlang. Israel in Gaza a kahnak cu thla 6 lai a liamzo nan tutiang khalah Gaza ih Palestinian pawlcu thinlung hna ngam ten an um thei cuanglo tiah a tarlangbet.

Israel in Gaza akah ciamco ah khan  Palestinian pawl minung 1,200 lai an thiih Inn sawngsang tha zetzet tampi a ciim siat thluh ih  khami pawl dintha sal dingkhal in tui dinhmun ah Israel in  an thil tul pawimawh lakluh nak lamzin pi pawl a khampit sak thluh ruangah  harsat nak an tong rero lai tiah asim.

Red Cross cun Israel in Gaza a kah laiih hriamhma tuartu pawl khal tuamhlawm nak si tah leh thilri a umlo ih cui tlunah tidai thianghlim  in ding leh meisa Electrict khal thaten an ngah theilo ruangah  duhvek in bawmnak hna khal a tuan theihlo tiah an tarlang.

Himi laiah Israel pawlcun  Palestinian pawlin harsat nak an tuar rero cu Hamas Tapung pawlih ruangah asiih, In saknak ding thilri leh thildang an tulmi thilri an lakluh nak ding lamzin pi an khamsak micu Hamas pawlin thil diklo leh thildangih hman an tum ringring ruangah asi tiah an ti ve.

(Visited 35 times, 1 visits today)

Comments

comments

Comments

%d bloggers like this: