Palestinian 1,105 Thi

January 16, 2009

SBT

By-Pu Sum

 Palestinian 1,105 Thi 

Israel leh Hamas pawl do awknak  cu zarh thum a kimthlang. Mizansun khalah Israel pawlcun Gaza khawpi cu vanzam in Bomb Vawi 40 lenglo an thlaksal. Tu tiangah Palestinian pawl minung 1,105 an thizo ih 5,100 lenglo in hriamhma an pu.

Himi laiah Israel leh Hamas pawl Ceasefire tuah theinak dingah ramdangdang Upa pawlcu an rawn aw kual rero lai. Israel thu puangtu cun Ceasefire tuahnak dingih dawr awknak thucu a felzik rero thlang tiah a sim. 

Cairo leh Washington khawpi ah dawr awknak hi neih rero lai asiih. Israel Foreign Minister Tzipi Livni khalin Ceasefire tuah thei nakding thu buaipi dingin Washington a panzo ih US cozah hnenah Hamas pawlin Rocket hmangih Israel kap nawnlo dingin leh Ramdang ihsin a thupten ralthuam lalut nawnlo dingih nawrter a tum dingah zum asi.

UN Secretary General Ban Ki-Moon khalin Israel cu Ceasefire tuah dingah a nawr rero lai. 

US Vanzam Tla 

Mizansun siimlam nazi 3:03, ah US Airways Airbus-A320, Minung 155 phurthei cu  Newyork khawpi ih Hudson tiva ah a tla. Hi vanzam ahhin minung 150 an to ih Mithi umlo ten tidai sungih sin an lasuak thluh. 

Hi Vanzam hi  LaGuar Dia Airport ihsin Charlotte,  North Corolina panding asi ih. A zuansuah zawngah Vate rualthawn an tawng awk buai ruangah asi ding tiah zum asi.

Hi Vanzam a tlak veten a runtu ding minung pawlcu lawngthawn an fehcih ih . Vanzam sungih minung pawlhi  vanzam thla ihsin laksuak an si.  

Hi Vanzam  Cangsual zikzawngah Pilot cun thil diklo a um ticu asim ta mannan dinter theih asi nawnlo. Hi Vanzam tla ih mithi an umlo ruangah mipi in pilot cu an fakzetih mipi tamzet nunnak humhim tu asi an ti.

A lehhnu ih an simnak ah hi Vanzam hin a zuan zikzawngah vate Kg 1 leh gram 800 ih rit a pah ngah ruangah tiah an sim. Kum 1988 ihsin vanzam in vate a pah ngah ruangah minung 219  an thizo.

Kum 2007 sunglawng hmanah Vanzam in Vate 7,600 leh ramsa ziang mawzat a pahzo ih vanduai nakhi a rak thleng phahphah ttheu. 

             US President Thar Obama La Lut Ding 

Kan hmai tlawngkai ni hnih, January 20, 2009. ah khin Barack Obama cu US President ah lakluh a si thlangdingih.  Obama lakluh nakding ih thilttul sumpai cemzat dingcu dollar million 150, kim dingih hisap a si.

US President laklun nakih sumpai senso tambik tum asi ding.  President Bush lakluh nakah khan dollar Million 42  leh ting 3 a cemih.  1993 ih Bill Clinton lakluh nakah dollar million 33 a rakcemzo.

President Obama an lakluh laiih Vur a tlak pang asilen himi hnakin sumpai senso hi a tambet laiding tiah zum asi. Nikhaw zohtu pawlin an tahnak ah himi niah Vur a tla menthei tiah an sim. Obama lakluh nakah hin Minung 1,500,000 leh 2,000,000 karlak hrawng an tel dingah zum asi. 

US President Obama tei sungkua hi  White house kiangte ih Blair house ah an tthawn lut aw zo ih. Himi In ropi zethi US President ih mikhual pawimawh pawl thlennak ttheu asi. Obama tei sungkua hi an fate pawlih tlawng luhnak kiangte Hotel ah ni 10 lai anrak khawsa lawkih.

President Bush ih mikhual pawimawh pawlin Blair house hi an rakluah ruangah an luh lohli theilo nak asi. Himi In hi ropi zet asiih In 4  Inkhat ih kawmkhawm mi asiih  Pindan 119 a umih.   Ih  nak pindan 14.  Hna ttuantu pawl ih riah nak pindan 8,  Tibual nak leh Ek In 35,   rawl einak pindan 4,  leh lumeh nak hmun Tibual nakhmun leh pangpar dawr tiangin a um famkim thluh. 

 

(Visited 51 times, 1 visits today)

Comments

comments

Comments

%d bloggers like this: