Pakistan Thawnginn Ah Khristian Naupai In Vuakvelh Tuar

Lettu : Joel Lal Cung Mang

(Compass Direct News)

Khristian nunau pakhat cu diklo zetih thilruk (theft) puh a ton ruangah thawnginn sungah thlak a si ih, Palik le ttuanvo neitu pawl in a sualnak an hmuh lo ruangah an luatter sal. Salma Emmanuel (kum 30) hi Dec. 8,2011 ah thawnginn ihsin a luat. Thawnginn an um laiah amah le a pasal cu ni thum sung cawllo rori’n vuakvelhnak an tong.

Salma Emmanuel ih sim daan ahcun a pasal Emmanuel Rasheed (Khristian, TV siat tuahtu) cu Pakistan acozah thu neitu le Palik pawl in Islam biaknak ih lut dingih a fialmi a duh lo ruangah nasa tukin an vel ti’n a sim hai. Salma ih sim betmi cu, ‘kan nupa in sualnak le mawhnak kan neih lozia an thei ko nan, Khristian kan si ruangah hi vekih in tiduhdahnak a si’ a ti. An zumnak le Khristian an sinak ruangih kaihkhih an ton ruangah Sui (gold) 100 grams le an hnattuan pawl khal an sungral thluh.

Iran Ram Ih Ni 287 Sung Thawngtla Nunau Nu Luat Sal Zo

Salma hi nau a pai thla nganak ah hi vekih tiduhdah a tonnak a si. Hi vekih kaihkhih an tonnak san cu, Ghazala Riaz timi hnattuannak ih theu neitu bik (Boss) cun Lap Top 900,000 rupees (US$10,095) le Sui (gold) 300 grams cu ka zung (office) sungta in ruk a si ti’n a puh hai. Cu veten Palik pawl in an nupa in an kaih ih tu vekih an tiduhdahnak a si.

(Visited 43 times, 1 visits today)

Comments

comments

Comments

%d bloggers like this: