Pakistan Ramah Kristian Nunau Pakhat That Ding

Pakistan ramih Muslim sakhua betu Mosque hotu pakhat Qari Saleem cun  Kristian nunau pakhat Asia Bibi cu Muslim puithiam Mohammed ih hmin relsia ah a puh ih Taza a cuaiih, Curuangah tuithla ni 8 ah khan  Nankana Sahib Ditrict Additional Sessions Judge cun  Pakistan Pennel Code dan vekin  Asia Bibi hi that dingih leh paisa 3.00.000 kuanter dingih thu a relcatsak.

Hi Court thusuak hi leitlun ram tamzetin an sawisel nasa ih, Pakistan National Commission of Justice and Peace(NCJP) khalin  himi Court thusuak hi a diklo tuk ruangah High Court in a tthiatbal sal a zumthu a sim. Pope khalin Pakistan ramah Kristian pawlin hmuhsuam leh ti zonzai an tuar tamtuk ruangah hi nunau Asia Bibi khalhi that lo ih suahsal dingih Pakistan ram thu neitu pawl a ngen.

Himi ruangah Pakistan ram Presient, Asif Zardari cun Asia Bibi hi that hrihlo dingih mizan sunah thusuah nak a tuah salih, President, cun  Federal Minister, for Minorities Shahbaz Bhatti cu ni 3 sungah Asia Bibi ih thuhla famkim a hnenih thlenlut fiang dingih thu a pe. Pakistan ramah hin minung Million167 hrawng an umih cumi sungah Kristian cu za ah 3% hrawnglawng an si.

Comments

comments

2 Comments

  1. Pakistan ramih Muslim sakhua betu Mosque hotu pakhat Qari Saleem leh Court ih hnatuan Muslim ruhseh pawlin an sakhaw biaknak ah mipi an pungzai ih an hnget sinsin theinak dingah siseh, Pakistan ram ah Christian pawl cangvai ngamlo dingin an thinlung lam tukdolnak dingah siseh, Hi Christian nunau Asia Bibi an timi nu kha, hmanrua ah hman an duh ruangah thah an tumnak asi men ding.

  2. khaw ruahhar tak thil si …

Comments

%d bloggers like this: