Pakistan Ram Tilian Mithi An Tam

Pakistan Ram Tilian Mithi An Tam

Theihciazo vekin Pakistan ram tilian cun ni 5 hnu khalah zia umlam a pan thei cuangloih, hi tilian ruangih mithi cu 1,500 an kimzo tiah theih a si. Himi tilian ruangih harsat nak tuartu pawl bawmding in Pakistan Cozah cun  bawmnak hna ttuan thiam minung ziang mawzat leh ralkap 30,000 a thlah zo.

Himi tilian tuartu pawl bawmnakih ralkap hotu General, Ashfaq Parvez Kayani in a sim nakah tilian ih tarta hak minung 2,800 an runsuak zoih, tuah tilian in a khammi minung 1,000 lenglo runsuah ttul an umlai tiah a simih, mithi pawlih ruangkhal hawl rero lai a si tiah a sim.

Himi tilian ih harsat nak tuartu pawl bawmnak hnatuan nakah Pakistan Cozah cun  Helicopter 43 leh lawngleng 152 a hmangih, hiti vekih Pakistan in siatnak a ton ruangah China cun dollar Million 1 leh 5,00,000, ting nga  in Pakistan ramhi a bawmding thu a simih, US khalin  dollar Million 10 a bawmding thu a sim. Tu ah hin tilian in a khammi mipi pawlih hnenah US cun rawlfun 1,00,000 leh 10,000 Vanzam in a thlak zo.

UNO khalin  himi tilian ruangah minung Million 1 lenglo in harsat nak an tuarih, Curuangah himi tilian ih harsat nak tuartu pawl bawm dingin ram tinkim a ngen.

Pakistan ralkap thupuangtu General, A thar Abbas khalin  Swat phairuam ih palkai awknak lamzin leh lilawn pawlcu a siat thluh ruangah duhvek in harsat nak tuartu pawlhi runsuak theih an silo ih, Curuangah an ei leh in ding tirawl pawlcu Vanzam in kanthlak a si tiah a sim. Himi tilian hin Afghanistan ramsungih Province 4 khal a tibuai nasaih minung 60 hrawng an thizo ih, loram tamzet a siat.

Iran Cozah in Nunau Uire Den That Tum

Iran ramih nunau pakhat Uire ih puhmi Sakineh Mohammadi Ashtiani kum 43 micu Iran ram Cozah Court in thiamlo a coter ruangah  an ram Muslim danin lungto ih denthat dingih a thu relcatsak a si ih, Asinan hi Nunau zangfah umzet hi ram dangdang pawlin a thlavang an hauh ih a runtu an tamtuk ruangah Iran Cozah khalin lungto ih dehthat dingih a thu an relcat sak cia micu tui kandung thla ah khan an sutsal ih, tuah hin hridai ih khaithat ding dinhmun ih ding mi a si.

Himi laiah Brazil President, Luiz Inacio Lula da Silva cun  mizan sunah hi Nunau hi Brazil ramsungih umnak pek a sianthu a puangih,  hi nunau  Brazil ramsungih luhthei nakpe dingin Iran President,  Mahmoud Ahmedinejad khal a biak thu a sim. Brazil President, cun hi nunau in Iran ram Cozah dan pahbal ih sualnak nei khal siseh la Brazil Cozah cun an ram sungih lut dingin lungawi zetin a hmuak a si a ti.

Hi nunau hin Court hmaiah a Uire thu a puangih,  a sinan  leh hnuah  Court ih a tong mikha a phasal ih a mah kaitu pawlin an hro ciamco ruangih Uire lopi Uire vekih a relawk thu a simsal ih, Curuangah  ram dangdang ihsin a mah tantu leh a thlavang hauhtu an tam sinsin, Curuangah Iran Cozah khalain hinu ih thuhla leh hremnak an pek danding pawlhi Court in a ngaituah sal ding tiah mizan sunah an puangsal. Iran ramah hin Nunau pasal pawmlai nei Uire cu Muslim sakhua biaknak daan in lungto ih denthat ding tiah dan a umih, nikum khlah nunau pakhat denthat a sizo.

Comments

comments

Comments

%d bloggers like this: