Pakistan Ram Ah, Koran Siatsuahtu Ti ih Puhmi Nawkkang

koran burn_0KARACHI, PAKISTAN : Kan dung zarhte sun ah, Pakistan ram ih khualtawng pakhat cun, riahbuk te hmang in lamlak ah a riak ih, a riahnak hmun a thawnawk zawngah Muslim rualkhat in a umnak an zohfiah, Cutawk ih an hmuhmi cu, a riahnak hmun ah Koran thlekaw mi cahnah an hmu. Cumi an hmuh veten an thin a heng zet ih, cu pa cu an vuak, an velh hnu ah palik pawl hnen ih an sim hnu ih cupa cu palik pawl cun thusuhnak nei ding in an kai.

Cuti ih palik zung ih a umlai ah, Muslim pawl cun palik pawl in an thlah men pang ding ti an phan ruangah sawmaw khawm in mi 200 rual cun palik zung cu an bauh ih an lut. An kaihmi pa cu an dirsuak ih, palik zung hmai ah cun an nawkkang. Cumi an nawkkang lai le an velh lai pawl cu cellphone le a dangdang in record rak tuahtu an um. District Police Chief Usman Ghani cun, “ Himi thuthawn pehpar in mi thattu lak ih tel mi 30 tluk cu kan kai zo.

Cun, cutawk hmun ih tuan palik bawi upa 7 pawl khal kan kai hai. Palik zung tisiatnak an kilhim lo ruangah ah palik bawi pawl cu kan kaihnak asi. Cellphone tampi kan kai ngah ih, cutawk ihsin thil umdan cu fiangten kanthei vivo ding” ti in asim. Hipa hi Christian maw ziang biaknak betu asi ti khal an theifel ciahlo thu khal asim bet. Nikum khal ah hivek in Pakistan ramsung ah thilcang mi a rak um zo. Koran thlektu ti ih puhmi an rak nawkkang zo ti in Reuters cun a rak puang dah.

Comments

comments

Comments

%d bloggers like this: