Pakistan Ralkap 12 Kap That

Mizan ah Pakistan ram  North Waziristan ih Wachabibi khaw kiangah Taliban tapung pawlin  Pakistan ralkap pawl ,an Ambush ih  Pakistan ralkap 12 an thiih Ralkap dang 10 in hriamhma an tuar.

Taliban pawlleh Pakistan ralkap pawlhi nazi 4 sung an kapaw ih Taliban pawlhi lamzin tlunih Tanhmun thazet rakrem felzotu an si sawn ruangah Pakistan  Ralkap pawlhi an tan hmun a se deuh ih an thih tam phah nak a si.  Asi nan himi cingin Pakistan ralkap pawlin  Taliban minung 10 an kapthat thotho tiah Ralkap thupuangtu cun a sim.

Himi ih tlunah tihni sunah khan  Swat Valley kiangih  Kurram khua ah Pakistan ralkap leh Taliban pawl  cu nasaz etin an kap aw ih minung 35 an thi zo tiah an sim,  Taliban Tapung pawlin  Khawsung mi Civil minung 300 lenglo cu hramlak ah hruaiin  Pakistan ralkap do dingin Training an pe rero lai tiah nan sim.. Pakistan Cozah in kaih a tum rero laimi Taliban hotupa bik Baitullah Mehsud cu a lu man ah US dollar Million 5 an thaap zo ih cumi ih tlunah Pakistan Cozah cun himipa kaih thei le thatthei tu an um asile  Rs Million 50 pek a tiam.

Himi silo midang Tapung hotu  Molvi Faqir khal a that thei le a kaithei an um asilen Rs Million 15 pek a tiam kam thotho. Himi laiah US Foreign Policy Juornal in a tarlang nakah  Pakistan ram cu leitlunih ram tlasia leh hlawhsam  10 lakah a telban thlang asi tiah a tarlang. Pakistan ih tlunah  Somalia, Afghanistan . leh Sudan pawlkhal an tel Pakistan ramhi IMF in bawmnak pe in tuamhlawm lo sehla tui dinhmun ah a mahte ke ih dingtheilo dingmi ram asi zo tiah a tarlang.

(Visited 40 times, 1 visits today)

Comments

comments

Comments

%d bloggers like this: