Pakistan President In ‘Benazir Bhutto’ Laksawng Suu Kyi Pe

Irrawaddy | January 25

Kawlram ih nihnih sung cambang dingin Kawlram a fehtu Pakistan president Asif Ali Zardari cun Suu Kyi hnenah Pakistan ram in asangbik le a ropibik ih a pek theumi cawimawinak laksawng ‘Benazir Bhutto’ a pek.

Theih cia zo vek in Kawlram cozah hruaitu pawl thawn ram thu le pursumleilawnak lam thu rel khawmnak nei ding ih Kawlram a fehtu Pakistan President Asif Ali Zadari cun Suu Kyi cu Kawlram in democracy a ngah theinak ding ih hmalaknak a neih daan, rualremnak a tuah dan le ram hrangih a pumpekawk daan pawl ah an lungkimpi in an ngaisannak le an zahnak lan ternak ah Pakistan ram ih a sangbik le a ropibik laksawng ‘Benazir Bhutto’ cu Suu Kyi hnenah tu’ini nazi 2:00pm ah president cun an sungkua : afanu le a fapa, le thuthanglatu pawl hmaiah  ahlan a si.

Hi Benazri Bhutto’ laksawng cu Pakistan ram ih democracy hruaitu ropi zet, tu ih Pakistan president Asif Ali ih nupi a si ih amah theih ringring nak le sunlawihnak ah a hmin cu laksawng hming ah hmang in Pakistan ram cun leitlun ih democracy cangvaihnak lam ih mi ropi pawl a rak pek theu mi a si.

(Visited 37 times, 1 visits today)

Comments

comments

Comments

%d bloggers like this: