Pakistan PM, Eiruknak Ruangah Kaih Theih Thu Pakistan Court In Thusuah

130115104414-pakistan-politics-woman-t1-story-topISLAMABAD : January15, 2013 ni ah, Pakistan ramsung ih Supreme Court cun, tu ih Pakistan Prime Minister tuan rero lai tu Raja Pervez Ashraf cu, cozah sum tamtak a eithup ruang ah kaih theih asi ti in thusuah an tuah.

Amah hlan ih PM tuantu Yousuf Raja Gilani ih tuanlai ah, Ashraf hi Federal Minister for Water and Power tuanvo neitu asi.

Cumi hna a tuan lai ah, cozah sumpai tamtak eiruk nak ah hmaihruaitu asi. Hi sumpai eiruknak ah in, Ashraf le midang 15 pawl cu Chief Justce Iftikhar Muhammad Chaudhry cun, “2010 kum ih cozah hna an tuanlai ah, cozah paisa tamtak an eithup ruangah, an zaten kaih theih an si thu ka puang asi” ti in ti in thuthennak zung ah a tong.

Cumi lai ah, Pakistan ramsung ah Opposition party hruaitu pakhat, Tahir-ul Qadri cun, mi tamtak Pakistan khawpi sung pawl ah huaihawt in lamzawhnak an nei ih, lamzawhtu hi mi 25,000 tluk an si a zum um bak ah, 2008 kum ih Pakistan People’s Party ( PPP ) in cozah a hruai hnu ah, Pakistan ramsung ah ramthubuai ruang ih lamzawh tambik tum khal asi ve.

Cuvek ih buainak a um ruangah, Pakistan ram ah May thla lai hrawngah general election khal neih a si ding. India thawi an ramri buai ah leh, ralkap thahsakawk thu ih an buai rero lai ah, an ramsung ih hivek eithupnak  um mi cu mipi thinheng ti sosangtu khal asi.

(Visited 32 times, 1 visits today)

Comments

comments

Comments

%d bloggers like this: