Pakistan Lung Phang Lo

Pakistan President, Asif Ali Zardari, Afghanistan President, Hamid Karzai  leh US President, Obama pawlcu mizan sunah  Washington khawpi ah tawnkhawm awknak an neiih, Pakistan President, Asif Ali Zardari cun Taliben Tapung pawlcun Pakistan Cozah cu an siatsuah theilo ding thu a sim ih ram humhim tu ralkap pawlih hrangah buaithlak zet hman haisahla  Cozah felai tibuai thei ding khawpin cahnak an neilo ih Pakistan hrangah lung phan ding a umlo asi ati.

Afghanistan President, Hamid Karzai cun pakistan ram sungih Taliban pawlin um hmun hnget an khuar sungah cun Afghanistan ramcozah cu hnget khoh in a ding theilo dingih ram thanso nak leh rualrem nak thuhla khal a rel theilo ding asi ati. US ram ai awhih Pakistan leh Afghanistan palai hna tuantu Richard Holbrooke cun  Taliban pawl nasa zetih do vivo nakdingah US cun pakistan cu a nawr ringring a tul ih, Pakistan ih bawmnak tello cun US cun taliban pawl cu a duhvekin a do theilo ding asi ati.

Washington TV pakhat in an kawm nakah Pakistan President cun India ram thawi rem awknak tuah dingih biak awk a duhthu a simih  India ram hril awknak an theh vetei biak awk nak neih a duhthu a sim. Pakistan President cun India leh Pakistan cu a tha zawngih rualrem awknak lamzin thar hawlsal a tul dingih  mipi thu neihnak ram veve asi ruangah India leh Paksitan ram pahnih karlak ah huat awknak um thei ding asilo ih India cu rual rem awknak duhtu ringring asiih sumdawn tawm awknak lam khalah India leh Pakistan cu rualrem nak lamzin thar hawl a tul asi ati.

Surbung Tlang Thuthang Siarbet

(Visited 46 times, 1 visits today)

Comments

comments

Comments

%d bloggers like this: