Pakistan Leh Taliban Pawl Kap Aw Rero

BBC Correspondent, Barbara Plett in a sim nakah Pakistan ralkap pawl cun Taliban pawl  nuai cimit tum in theih tawp an suah rero laiih, Tih nisun Colhni sun ihsin mizan tiangah Taliban minung 230 an kapthat tiah a sim. Pakistan ralkap pawlhin Taliban pawl an do nakah ralthuam tha zetzet Tank, Helicopter, leh meithal tum pipi an hmang nan Pakistan ralkap ,pawl hrang khalah duh vekih Taliban pawl nuai cimit mai dingcu thil awllo a si tiah a sim. 

Taliban leh Pakistan ralkap pawl do awknak ruangah mipi tamzet cun hmunhim lam panih an umnak hmun leh ram Inn leh lo pawl an suahsan lai rero ih, Mardar District, ih  Medical Director, Arshad Ahmed Khan, cun  mipi vangtlang mangbang pawlcu bawm an tul zetih Cozah in theitawp suah hman sehla mipi tlansuak pawl an tam vivo tuk ruangah  sii, ei leh in, hnipuan pawl tamzet a tul a si ati.

UN High Commissioner for Refugees, Pakistan hotu Killian Kleinschmidt in a sim nakah tu ah hin bawm tulmi Refugees minung 300,000 lenglo in hmin an pe lutzo ih, Cozah thu neitu pawl khalin buainak in sosan  lam a pan vivo ruangah bawmtul minung Million 1 an kim leh cing tengteng dingih an zum thu an sim.Tu ah hin Taliban Tapung minung 5,000 lenglo an um ih himi pawl do dingin Pakistan cun a ralkap minung 15,000 a thlahzo.  

Himi Laiah Pakistan President Asif Ali Zardari cun  Thuthangca latu pawlih thusuh nak let in Taliban pawl din suaktu cu US Cozah hnuaiih CIA leh Pakistan ih ISI pawl an si a ti. Pakistan President cun  tui hlanih  General, Pervez Musharraf in Pakistan a uk laiah  US in Pakistan a rak bawmih cumi Politics feh vivo ruangah Taliban pawlhi run dingsuak an si a ti. US mipi tamzet in Pakistan Ralkap leh ISI Taliban pawlin thuthup an nei tlang tiih an zum nak thucu a pawmlo thu a rel ih Pakistan Ralkap pawlcun an mah le an hna ah rin umzet in Pakistan ram an kilhim a si ati.

 

Surbung Tlang Thuthang Siar bet

Thuthangca latu pawlih thusuh nak let in Pakistan President cun India cu Pakistan ral leh a buaipi bikmi a silo ih cu ruangah India ramri ih ralkap a ret mipawl khal Pakistan cun la kirsal in a ram sungih buainak ah a kuatsal asi ati. Pakistan in a ram dinhmun a kel a awhsal nakdingah cun kum 10 tal a tul bet dingih cumi dingah cun Pakistan cu mipi rorel nak asi ringring a tul a si a ti.

Pakistan Prime Minister, Yousuf Raza Gilani cun tui buainak kan tawn rero mipawl hi tuihlan ih Pakistan ram hruaitu pawlih thilti diklo mi ruangih Pakistan ram tlasia leh buaimi kan tundin sal nak ding a si ati.

(Visited 36 times, 1 visits today)

Comments

comments

Comments

%d bloggers like this: