Pakistan Cozah Leh Taliban Tapung

Taliban tapung pawlin Swat Valley ram pawl an luah hnuah hmundang Dir, leh Buner ram p-awl nawrkau vivo an tum ruangih pakistan Cozah ralkap pawlin an kah ruangih Do awknak ah Taliban tapung pawl minung 200 lenglo an thi thlang tiah pakistan ralkap thupuangtu Maj, General, Athar Abbas cun a sim. Himi lai ah US ralbawi General, David Petraeus cun  Pakistan ram Cozah cu a ding hnget ringring thei ke maw ding hnegt ringring theilo ding timi cu tuihnu lam kar hnih sungah a lang fiang ding asi tiah US rorel nak Inn sang Senate member hrekkhat hnen ah a sim tiah Fox News cun a tarlang.

General, David Petareus cun pakistan Cozah in Taliban leh Al-Qaida pawl a do nak ding leh a ram ihsin a dawisuak nakdingah puhmawh phunphun a hmang theuih tu ah cun a puhmawh hman dingmi thu a cemzo ruangah a taktak ih Taliban pawl leh A-Qaida pawl hnenih a tuahmi a langter a tul thlang a si ati.

Himi laiah Mizan ah pakistan ram thlanglam Swat Valley kiang ih Peshawar ah thihcilh Bomb a puakih ralkap 4 an thi ih midang ziangmaw zatin hriamhma an tuar. Hi thihcilh Bomb paitu in a mawnmi Car ih ralkap mawtaw a ttaih ih cumi zawngah a paimi bomb cu a ti puakih a hmun ah ralkap pali leh a mah cu an thicih. Hi bomb puahtu hi zo a si ti leh ziangpawl minung a si ti khal theih fiang  asi hrihlo tiah palik pawlcun an sim.

US ralkap leh pakistan ralkap pawlin raldo nak vanzam thawi Taliban pawlhi an kah theu ruangah Taliban pawlhin thihcilh bomb hi an puah tam vivo tiah Palik pawlcun an sim ih Taliban pawlih umnak hmunpi Swat Valley kiangkap ih Curfew an puanmi khal Pakistan Cozah in mizan zan laifang ihsin a hlitsal ih Pakistan Cozah in Curfew a hlihsal naksan hi Swat valley kiangkap ih mipi vangtlang pawl hmunhim lamih thiarsuak aw dingin thu a pe ih cumi hnu ah himi hmunih Taliban pawlcu Pakistan ralkap pawlin duhtawkin an kap thei thlang ding asi tiah an sim. Himi laiah Taliban pawlcun Swat valley bialih Mosolman dan Shari Law hman asilo ah cun an ral thuam hriamnam an ret tumlo thu an puangcih ve ih do aw dingin kanman asi an ti thu an puangve.

Surbung Tlang Thuthang siarbet

  • Pakistan Cozah Leh Taliban Tapung  
  • Afghanistan President In Hril Awk Nak Cuh Sal Tum  
  • Georgia Ralkap Pawl Hel 
  • Pakistan Nuclear Ruangah US Thin Phang 
  • Mexico Cozah In China Ah Vanzam A Thlah 
  • Switzerland In -India Dil Nak Pawm 
  • (Visited 29 times, 1 visits today)

    Comments

    comments

    Comments

    %d bloggers like this: