Pakistan Cozah In Shi’ite Muslim Mithi Pawl Phum Ding Lungkimnak Tuah

Raja_Pervez_AshrafISLAMABAD : Kan dungzarh sung ih Pakistan ramsung bomb puak ah, Muslim mi thianghlim tamtak an thi.  Muslim dan ah an thih ihsin nikhatnak ah an phum theu an si nan, hi bomb puahnak khua Quetta ih mipi pawl cun, hivek an ramsung ih a um nawnlonak ding ah ram cozah in thu a tiam lo ah cun mithi ruang pawl hi phumlo in kan ret ringring ding ti in ni 3 sung deuhthawn mithi ruak kiang ah cun Muslim pawl cu an umkhawm.

Cuti ih an lungawilonak an langter hnu ah, Pakistan Prime Minister Raja Pervexz Ashraf le Shi’ite Community upa pawl cu tonawknak le thureltlangnak an nei. Cutawk ih an thureltlangnak le lungkimnak an tuah vek ih, tu ah cun Muslim pawl cun an sungkhat unau pawl cu hnangamten an phum duh thlang.

Hitawk ih an tureltlangmi hi relsuah asi lo nan, an thurel mi lak ah cun, hi bomb puahnak ramthen (Balochistan Province) ih Chief Minister le Cabinet pawl cu an hnatuan an colhter ding ti mi asi. Hi bomb puak ah hin mi 96 tluk an thi ti in Pakistan cozah thuthang cun a ngan asi.

Comments

comments

Comments

%d bloggers like this: