Pakistan Cozah A Tal Buai Zik Rero

VOA, BBC | January 14

Naeem Khalid Lodhi

Pakistan ram cozah sungih buai nak thufeh rero cun tthanlam a pan vivo ih Defence Secretary Lt. General. Naeem Khalid Lodhi cu ban ter asi.

Prime Minister.Yousuf Raza Gilani  cun  ralkap hotu hlun Lt, General, Lodhi hi Cozah leh ralkap kar lakih buainak suak dingih thuhla tawlrel thup rerotu a si ruangah banter a si tiah a simih, a  aiawhtu ah  Cabinet Secretary, ttuanlai Nargis Sethi retcih a si.

Relzo vekin President, Asif Ali Zardari in  ralkap hotu sungah Pakistan Cozah hlawnthlak tumtu an um tiih thei in US ih Pakistan ram palai Hussain Haqqani cun  Pakistan ram Cozah run dingin  America Cozah hnenah bawmnak dilih ca ngan dingin ca a nganter tiah theihsuak a siih, himi ihsin Pakisatn Cozah leh ralkap hotu pawl lakah buainak hi a suakih thawkih theih asi. Pakistan ram Prime Minister, Yousuf Raza Gilani in tui kandung naite ih China ram a tlawn nakah  Pakistan  ram ralkap hotu leh Intelligence hotu pawlcu ram danpi zah lo ah a rak puhzo ih, Curuangah ralkap hotu General, Ashfaq Kayani leh ISI hotu Lt, General, Ahmed Shuja Pasha cun an lungawilo thu Suprime Court ah an rak thlenzo.

Hiti vekih ralkap leh Cozah karlakih thubuai vakkual rero a um laiah Court sangbik cun  Pakisatn ram Cozah cu eiruk khamnak dan  khohkhah tuahttha duhlo ah a rak puhbetih, tui dinhmunah Pakistan Cozah cu a talbuai rero ih ruah a si ruangah Opposition pawlcun  Cozah cu Pakistan  ram danpi kilhim theilo ah puhin hrilawknak tuah zamrang dingin an rak nawr rerove thung.

Hiti vekih an ram a buailaiah President, Asif Ali- Zardari cun mizan sunah Dubai a pan leh ih, Siizung um dingih feh a si tiih relmi cu a sinan  mi tampi cun tulai an ram buainak thuthawi rakrel cawhpolh khal an um ih, mi hrekkhat cun molawm dingih feh a si rakti khal an umih,  leitlun ram dangdangih politician  pawlcun  Pakistan ram Cozah dinhmun an zoh nakah thil danglam tumzet pakhatkhat a hersuak aw dingah zum nak an nei

(Visited 34 times, 1 visits today)

Comments

comments

Comments

%d bloggers like this: