Pakistan Bomb Puak

Mizan ah Pakistan ram khawpi pakhat Peshawar ah Bomb pahnih a puakih minung 10 an thi ih midang 70 lenglo in hriamhma an tuar, Bomb puakhi Bazar mipi tamnak hmun leh khaw hnar Police Check Point ih puak asiih.

Bazar ih Bomb puakin Inn leh dawr khal  tampi a ti siat. Bomb ti puak tuhi minung 4 an siih Police pawl thawi an kah awknakah minung 2 cu kahthat cih an si ih minung 2 cu nungdam ih kaih ngah an si. Bomb puahdan leh a thuhla zinzawi  leh thudang theihduh mi tampi a um lai ruangah an hmin leh ziang mipawl an si ticu rel lang a si hrihlo.

Surbung Tlang Thuthang Siarbet

Tu dinhmun ah Pakistan ralkap pawlin Taliban Tapung pawlcu Swat Valley ah nasa zetin an do  rero lai  ih  hi an do awknak ah hin Taliban minung 1,000 lenglo an thah zo thu Pakistan ralkap thupuangtu cun a simih, Tuizing  tiangah Taliban pawlih um hmun khuar nak bik  Mingora khawpi 70% hrawngcu Pakistan ralkap pawlin an laksak zo thu an sim. Swat Valley ih Pakistan ralkap pawlin Taliban pawl nasa zetih an do ciamco ruangah  Taliban pawlcun Ramsung khawpi leh hmun tinkim ih buainak nasa zet tuahsuak vivo an tumthu an sim ih khawpi sungih minung pawl khal an umnak khawpi suahsan thluh ding in thu an pe zo.

Pakistan Information Minister, Iftikhar Hussain cun Swat Valley ih Taliban hotubik Mullah Fazlullah cu thah a sizo ih Do awknak ah meithal ih kah that a si tiah an theih fiang thu a simih himi tlun ah Taliban tapung hotu minung ziang maw zat khal thah an si zo tiah a simbet. pakistan Interior Minister, Rehman Malik cun Taliban tapung hotu minung 21 pawlih hmin list cu tarsuak in  a kai thei leh an um nak hmun thei an um a si le Paisa tampi pek an si ding thu a tar lang.

(Visited 35 times, 1 visits today)

Comments

comments

Comments

%d bloggers like this: