Pakistan Bomb Puak

Tuisun ah Pakistan Lahore khawpi ih High Court leh Punjab Assemble building kiangih Mail Road ah Bomb a puakih Minung 20 an thiih midang 150 lenglo in hriamhma an tuar. Himi hnu ah zoti theihlo minung 2 in Automatic meithal thawn an kap bet ciamco ih kah awknak khal a thlengcih. Palik pawlih himi hmun cu zohman fehlut theilo dingin an khampit ih,   rin hlel nakin minung 4 an kai.

Hi Bomb  hi ziangpawl hman in an tipuah thu an simlo ih, Asi nan  Pakistan Interior Ministry, hotu Rehmand Malik cun  hi buainak cu Swat Valley ih Pakistan ralkap pawlin Taliban pawl an do ruangih thil thlengmi a si thu a sim. PTI in a sim nakah hi Bomb puak hi Pakistan Intelligence Agency pawlih hmunpi tisiat tumtu pawl an si tiah a sim.  Bomb puakin Mawtaw leh Inn tampi a tisiat ih minung tamnak hmunih puak a si ruangah mithi leh hriamhma tuar an tam phahnak a si. Hi Bomb puak hi thihcilh Bomb a si leh silo Palik pawlin an zingzawi rero lai.

Surbungtlang Thuthang Siarbet

(Visited 28 times, 1 visits today)

Comments

comments

Comments

%d bloggers like this: