Pakhat le Pakhat Duhdaw Aw Uh

August 16

Tlawngkai Nikhat 

Pakhat Le Pakhat Duhdaw Aw Uh 

Siar:

Johan 13:33-35 

“Pakhat le pakhat tlunah duhdawtnak nan neih ahcun zokhal in Keimah ih dungthluntu nan si kha an lo thei ding a si,” tiah a ti. – Johan 13:35

Kumkhat Sung Baibal:

–   Saam 94-96

–    Rom 15:14-33 

Khristian pawl dokalh ding cun nasazet ih ttan na laak a ttul ding. A hrimhrim thu ah Khristian pawl cu mi ngaidam theibik, midang theithiam thei, ruahnak neizetmi kan hmuhton ttheumi mibur an si. A ttha lolam in thu an ruat dah lo. Hmuh daan dangdang nei ding tla an uar. Thinheng har, mi ngaidam lohli, olsam tein thu an tthen lohli lo, duhdawtnak thinlung thawn an ttuan”… A si lo, um hrih… a linglet zawngin thu ka ruat!           

Email sungah a tlun ih ca ka siar tikah ka hnih a suak. Hmuhtonmi tthazet neih cu a ttha. Zumtu tampi cu a tlun ih thu thawn a linglet in, “Kan Choir hruaitu in amah lawnglawng pakzai a sakter, Pastor in cibai i buk tikah a zoh hman i zoh lo, tampi ka ttuan, atu hnakih tam lom le porh dingmi ka si na’n,” an ti ttheu.

Thinhennak, riahsiatnak, porh awknak pawl hi zumtu pawl lakah tla sim a ttul. Mi in kan parah tuah hngai seh ti kan duh vekin midang parah kan tuah maw? (Matthai 7:12). Mi parah sualnak puh mai loin kan ngaidam thei sawn maw? (Filipi 2:3). Pakhat le pakhat kan duhdawt awknak ihsin Jesuh thluntu kan sinak leitlun mi pawl in an thei maw? (Johan 13:35). Himi hi kan hrangah thudik a si maw?   – Cindy Hess Kasper 

Bawipa i tleu-vangter hram aw,

Ka tuah, ka simnak hmuahhmuah ah;

Na duhdawtnak nasatzia ka parah langseh,

Mi pakhatkhat tal Na hnenah hruai dingin. – Sper 

Tettikhannak tthabik cu duhdawtnak langter hi a si ttheu.

(Visited 25 times, 1 visits today)

Comments

comments

Comments

%d bloggers like this: