Pakhat le Pakhat

August 11
Zarhte Ni

Pakhat le Pakhat

Bible Siar Ding: Kolose 3:1-16

Ka u le ka nau tla, nannih cu miluat si dingah kawh mi nan si. Sikhalsehla cuih luatnak cu nan taksa diriamternak ah canter hlah uh. Cuhnakin duhdawtnak thawn pakhat le pakhat rian aw in bawm awton uh! – Galati 5:13

Khristian sinak (Christianity) cu mah pakhat lawng hlawknak hrangah a si lo. Pathian cun pawlkom pakhat sungah lungrual te’n um tlang ding le pakhat le pakhat duhdawt awton ding le rian awton ding in duhsak. Thukam Thar sungih tarlangmi: “pakhat le pakhat (one another)” timi pawl in ziangti’n kan nung ding ti in simfiang.

Kannih cu pakhat le pakhat duhdawt awton ding, thlacam sak awton ding, hneem awton ding le seherh awknak thawn zohkhen awton ding kan si. Pakhat le pakhat rian awton ding hrimhrim ih thupekmi kan si fawn. Pakhat le pakhat zirh awton ding, tthatnak tuah awton ding, pumpe aw ding, tungding aw ding, thazaang pe aw ding, zawi aw ding, le ngaidam awton ding….ti’n a cem thei lo.

Himi pawl hi a bur in si loin mahte lawng paksai in tuah theihmi thil an si lo. Kannih hi midang pawl thluasuah petu dingih thluasuah pekmi kan si, kanmah lawngin thluasuah kan donmi pawl hui ttheh le nomceen ding kan si lo. Zumtu pakhat cio in kawhhran kan ttul ih kawhhran khal in kanmah in ttul ve. Kanmai’ zawn lawng ruat in kan buai le kan cangvai asile midang riantu kan si thei dah lo ding.

Kawhhran le midang hrangih kan pumpek awknak cu Pathian kan naih theinak lamzin a si. Bawipa kan naih deuhdeuh asile – thlacamnak thawn caan kan hmang tam, ih Bible siarnak le Thlarau Thianghlim hnenah nun kan hlan deuhdeuh asile Pathian minung pawl lakah A tumtahnak famkimtertu dingah a raalthuam famkim thawn in thuam ding.

Zumtu pawl kan bawm awkton thei lo asile “pakhat le pakhat” timi hi a um thei lo ding.

Bawipa, Nangmah lo riantu ka si theinak dingah
khuitawk zawn ah ka tthangso ding ti i khihhmuh hram aw.

Tuni ah Pathian in zo hnenah bawmtu si ding in duhsak?
A hrangih hman theih ka sinak cu ziangti’n ka langter pei?

@ Ava Pennington

(Visited 19 times, 1 visits today)

Comments

comments

Comments

%d bloggers like this: