Pakhat Bul Parih Thinlung Bunnak

July 15

Tlawngkai Nithum

 

 

 

Siar:

Luka 14:25-35

 

Zokhal siseh ka hnenah a ra ih a nu le pa, a nupi le faate pawl, a unau le farnu pawl le amah le amah khal keimah hnakih a duhdeuh a si ahcun ka dungthluntu a si thei lo ding.         –Luka 14:26

 

Kumkhat Sung Baibal:

–   Saam 13-15

–   Tirhthlah 19:21-41

 

Kum zabu 19 lai ih Czar Alexander II thahnak ah a teltu Karl Marx ih dungthluntu Nechayev in ca a nganmi cu: “Uk daan thlengh awknak a tuahtu cun a pumpak thuhla a ruat lo, sum khal a hawl lo, lungawi riahsiat a nei lo, kopmi a nei lo, thilri a nei lo, hmin a nei lo. Ruahnak pakhat le duhmi pakhat te a neihmi cu uk daan thlengh awknak lawng hi a si,” a ti. A ruahnak le tumtahmi sual hmansehla Nechayew cun thinlung tthentthek loin thil pakhat bul parah thinlung tak le thungai thlak in pum a pe aw.

 

Jesuh in a dungthluntu pawl hnen in pumpeknak dik a duh. Jerusalem a luhlai ah mi tampi in a dungin an thlun (Luke 14:25). Cumi pawl cun Jesuh ih dungthluntu ah an ruat aw men thei. Asina’n Jesuh in a dungthluntu taktak si cu a thu theih men hnakin mankhung pek a ttul zia: “Nu le pa duhdawtnak, nupi fanau duhdawtnak, mah le mah duhdawtnak le leitlun thilri pawl duhnak hnakin Amah duhsawn in A parah rintlak si ding” (Luke 14:26-33) thu a sim.

 

Khuahlan deuhlai ah siseh, atu kan san ah siseh, Jesuh Khrih zumtu le a dungthluntu pawl ih kan theih dingmi thupizet cu kan nunnak ah Pathian cu a pakhatnak ah kan ret ringring ih leitlun thilri le midang pawl thawn pehtlaih awknak cu a phahnihnak ah ret ringring ding hi a si.

 

Jehuh in thinlung pakhat, ruahnak pakhat le duhnak pakhat thawn Amah lawng rin-umzet ih thlun dingin a dungthluntu pawl a ko hngai.

 

Meisa run thlak aw, Bawipa, in tthangharh aw thla kan cam,

Leilung a siat cuahcolai ah kanmai’ lamziin kan zawh;

Tumtahnak nei lo, duhdawtnak nei loin nikhat hnu nikhat,

Meisa run thlak aw, Bawipa, in thangharh aw thla kan cam.

 

Jesuh kan duhdawtnak cu thlarau duhdawtnak tawhfung a si.

(Visited 33 times, 1 visits today)

Comments

comments

Comments

%d bloggers like this: