Pacquiao Le Mayweather Ih Thuhla; Pacquiao Ka Ṭan Ko!!

_82720943_471857074

– Van Bawi Lian

Leitlun santhuanthu ih Boxing Thong hmin tilar leh saltu, hmin nei, mithiam, mi cak maksak  Manny Pacquiao ‘Pac Man’ le Floyd MayWeather  ‘Money’ te pahnih ih thuhla pawl in tulai leitlun a khuhneh zet. Cui thu sarhu ah ka rak caiciling  ve. Zo in a neh ding ti cu an thongawk thluh hnu ah a fiang ding ti thei cingin ka thinlungin ṭan mi cu ka rak nei ve ih, ka thin tur khal in ti rang zet.

Boxing thong dingin an leh killi kual sungah veikhat hman kai ve dah lo ti fam cu, zo a thiam deuh ti rel ding ngaingai cu an lehdan ah, cutin khatin rak ti ciamco ding ka neiin ka thei ve ciamco lo. Asinan  an thuhla le an leh dan pawl mahte uar in ka rak uar ve ta top mai cu a si. Ka pa cu Boxing thong thiam a si.

Pacquiao ih Pathian a duhnak le Pathian a rinsannak pawl in ka thinlung cu tampi i tham ih a lam ah phat lo ten, ka thinlung cu a tlu ih ka ṭan rori ko.

Khawitawk, Ziangtik ?????

Anleknak Ding Hmun : MGM Grand Casino, Las Vega, USA

A Thongawk Ding Ni : May 2, 2015

Ziangtin An Ko : Battle for Greatness or The Fight of the Century

Mayweather In A Neh Ding? Aih Silo!!

download (7)Cumi rualin leiltun Boxing thiam mi langsar, heavy weight ih vei 2, 3, 4 lai cakbik sinak rak ngah zo tu pawl; Bernard Hopkins, Carl Froch, Juan Manuel Marquez, Roy Jones Jr, Amir Khan, Ricky Hatton, Sugar Ray Leonard, Kell Brook, Shane Mosley, Oscar De La Hoya pawl cun MayWeather in a neh ding an rak zum sawn ta riai mai.

Money in a neh thei ding tiih an zumnak san cu, a leh dan hi vei le khat ih minam a silo, nuamten a leh pi pawl ih kutthlak dan le tha lak dan pawl a theithiam lohli thei. Reipi a leh pi thei dingih cutin a netnak ahcun a neh ding. Amah tluk ih leitlun Boxing thiam ih lekmawi le cang mawi kan hmu lo tiin an rak lawm.

Asinan George Foreman cun Pac Man in round khat an lehnak ah rilko a thong tluk ding ka zum tiah a rak zum. Mike Tyson khal cun rei a lek dingih Money in khamawk dan le rak thong ve cu a tum ding nan a netnak ahcun Pac Man hin rilko a thong ko ding tiah a rak zum ve. Kei khal cun Pac Man in a thong ril ko ding tiah ka rak zum ve.

Ziangtin An Ngiar Aw Thok

images (7)

May Weather hin 2008, Leitlun ih no.1 a si laiah cawlh ding a tumthu a rak puang. Himi laiah Pac Man hi no. 2 a si. Asinan Pacquiao ih a co nak ruangah Mayweather hin a leh cawlh ding ih a tumnak khal a ṭhulh sal. Leitlun boxing thiam santhuanthu ah an pahnih thongaw haiseh la tihi mipi titi tambik le zohcak bik mi a si.

Nelson Mandela fanu in, a pai suah kum, kum 93 nakah an pahnih thongawknak tuah dingin a rak tumtah nan a rak hlawh tling lo.

Kum 2012 ah Mayweather in Pacman hi $40million ih thongawk dingin a rak ngiar ve nan a rak ngah lo. Pacquiao sawn tu in kan dung kum thok hrawngah Mayweather hnenah miharsa pawl bawmnak ding hrangah thongaw dingin a ngiar ve sal.

An pahnih in cutin an rak ngam aw zet zo nan an rak tongaw ngaingai lo. December 12, 2014 ah Mayweather in May 2, 2015 ih thongaw dingin a duh thu a rel suah mi cu Pacquiao khalcun a rak pom cih ve ih cutin February 20, 2015 ni ah an mah ngai hmaiton in tongawknak an nei.

Mannay Pacquiao In Pathian A Rinsan

c72793e31d1b1c4397f87ffa304ff0d4e83d67cf

‘Ziang hman lo ta I cawisangtu cu Amah Pathian a si, Ziangkim hi a mah sunlawinak hrangah siseh’ tihi Manny Pacquiao in a thu rel tinte deuh thaw in a telh. Tui’ ṭum an thongawknak ding khalah a lekpi dingmi Mayweather hnenah Pathian ih duhdawtnak le zangfahnak , thuthangṭha simnak caan ṭha ka neih thei ding hi ka lungkim bik mi a si’ titlain thuthang latu pawl hnenah a sim hngehnge.

  • Pacquiao ih nu hi sakhua mi, Pathian duh zet tu a siih a nu hin a fapa hi Pathian hnaṭuantu ropi si dingin thla a camsak ṭheu.
  • Kum 12 a si ah a pa thawi an tithiamawk lo ruangah an inn a suahsan. A pa vet thung hi zu in hmang  le misual a si. An inn a suahsan ihsin lamzin kapah mahten rawl hawl in a vak tawi. Asinan a tumruhnak le a zuamnak pawl hi a nasa in a ropi tuk.
  • Kum 17 a kimah boxing thiam (pro) sinak a ngah. Himai lai ahcun a veikhat thong ah $ 2 a ngah ṭheu. Angah mi ihsin malte hi a nu hnenah a kuat ṭheu.
  • Professional a sihnu ih a caklo hmaisabik ṭum cu, a vei 12 nak a thong mi ah a si. Hi mi an thongawk hi a sunnak khal an thongngah ruangah siloin a tumpi pa Rustico Torrecampo in liang in a hngawng ngah ruangah a si.
  • Kum 19 a kimah WBC flyweight taihkhap cu Thailand ah a ngah. A thongpi pa cu Chatchai Sasakul a siih December 1998 ah an rak thong aw.
  • Philippine zuknung pawl ah a cang ve ṭheu ih misual lam ah a cangṭheu. A hmin ah Pac Man tiin an ko theu.
  • Chess lek paih zet mi a si hlei ah Philippine ram aiawh ih Professional Basket ball lektu pawl lak ih mi niambik a si.
  • Hlasak paih zetmi a siih a mahte rori in Piona a zirh aw. Hlasak paih zet mi a siih ‘Sometimes When We Touch’ timi Phillipine hla khal a suah hngehnge ih Youtube ah zohtu 972,268 zohtu a nei.
  • A danglamnak bik pakhat ve cu, a lehnak ding hmun a feh tinte in a Bible hi a keng ringring. A Bible hman mi hi pen cati sen ih rin mi lawnglawng in a khat thluh. Pathian hnenah a nunnak pe aw zet tu a si.
  • A nupi Jinkee, thawn fa panga : Emmanuel Jr., Michael Stephen, Mary Divine Grace, Queen Elizabeth le Israel. imuel, Michael, Princess, Queen pawl an nei.
  • 2011, Philippine ram thlisia ih a nuai ciamco laiah mimal ih sumpai thawh tambik lakah Pacquiao hi a tel ve a si.
  • An ram mipi pawl in Boxing ihsi a cawlh hnu ah an ram President hrangah an hahio zet mi pa khal a si.

download (8)

An Pahnih Hminsin Pawl

Manny Pacquiao

Hmin

Floyd MayWeather
Manny ‘Pac Man’ Hmin Kohdan Floyd ‘ Money’
17. 12. 78 Suah Ni 24. 02. 77
5ft 6in Sanlam   5ft 8in
General Santos, Philippine Umnak Las Vegas, USA
6 World Title Nehzat 5
WBO Welterweight Tiles WBC & WBA
64 Mi Thong Zo Zat 47
57 Nehzat 47
38 Thong Ril Ih Net Zat 26
5 Sun Zat 0
2 Neh Awlo 0
23.6 % Thongril Ih Neh Ding Zumtu 13.2 %
19.3 % Point In Neh Ding 19.3%
3.8% Nehawlo Veve 3.8%

 Leitlun Lehnak Ih Sumpai Ngahtambik  7 Pawl

  1. Floyd Mayweather          : – $105m
  2. Christiano Ronaldo          : – $80m
  3. LeBron James                    : – $72.3m
  4. Lionel Messi                       : – $64.7m
  5. Kobe Bryant                       : – $61.5m
  6. Tiger Wood                         : – $61.2m
  7. Manny Pacquiao              : – $41.8m

Hrm; BBC, Washington Post, Forbe, CNN

_82696007_boxing_getty

 

Comments

comments

Comments

%d bloggers like this: