Pacquiao A Boxing Thong Netnak Hrang Amir Khan Thawn Thong Men Thei

189494

Manny Pacquiao le Amir Khan

Leitlun mipi pawl ih thinlung nehzet tu Manny Pacquiao le Amir Khan an thong aw ding tiih ruahsannak a um nawn lo hnu ah, an thong aw salnak ding dinhmun tamsawn in a thlaineh sawn zo.

Amir Khan in thongpi dingin a rak sawm nak cu, Manny Pacquiao te lam in letnak a um ngaingai thei dahlo. Asinan (Salai) Manny Pacquiao hrang ih thuhla tawlreltu Bob Arum cun an thongawk men thei thu hitin an sim. ‘An thongawk ding cu a zum um zet. Asinan kan tuanpi pawl le ka Team pawl thawn, kan duhmi vek thongawknak a um thei ding hi kan zoh ta ding’ tiin a sim.

Pacquiao hi tuikum ah Floyd Mayweather tawn an rak thongaw ih zohfel thuthentu pawl ih thutluknak in nehnak a rak co. Khan thawn an thongawk ahcun himi hi a Boxing khawvel ihsin a thong netnak ding a si men thei tiin a tawlrel bawmtu cun an sim.

Amir Khan hi tu fang te ah Doha, 2015 World Amature Boxing Championship thongnak hmun ah a timtuah aw rero zo ih a rei hlanah an pahnih thongawknak ding thu hi tlangzarh a si lohli ding khal zum a um.# (Agencies)

(Visited 971 times, 1 visits today)

Comments

comments

Comments

%d bloggers like this: