Pa Famkim

August 7
Tlawngkai Nihnih

Pa Famkim

Bible Siar Ding: Matthai 6:25-34

Vancung ih a ummi nan Pa in hih thil pawl nan ttul zia cu a thei a si. – Matthai 6:32

Nangmah maw asilole na mitheih pakhatkhat maw leitlun ih hringtu pa ruangah thin nuam lomi na thei dah maw? Buai thei ringring le zianghman ih lo siar lotu hringtu pa ih thuhla na vun ciinkennak in vancung ih um na Pa parah rinsan thei lonak thinlung tiang a lo neihter pang maw? Nangmah rori pa dinhmun ih na din venak ah teh ka famkim lotuk ee ti’n thin nuam lonak na nei dah maw?

Nauhak pawl in vancung ih a ummi an Pathian an hmuh daan cu leitlun ih hringtu an pa an tontehnak le an hmuh daan parah hram a bun aw a si. Hringtu an pa in an parah duhdawt zaangfahnak thawn ttha te’n in zohkhen ti an theih tikah, cuti’n vancung ih a ummi an Pa khal in cuti vekin in zohkhen ve ding ti an ruat a si.

Leitlun pa le pawl in an tuah dingmi ttuanvo kha thathozet in anmah te’n an hril thei, an hril lo thei, asilole an ttuanvo kha famkimzet in an tuahsuak thei. Pa le pawl in an fahniang le pawl ih ttulmi pawl pe thei loin um hman hngai sehla an famkim lonak in vancung ih kan Pa ih mizia cu zianghman a hnaihnok thei lo a si.

Pathian cun kannih cu Khrih kan zumnak sungin A fa si dingah in hril hrim zo a si. Amah cun kan ttulsammi tinkim a thei thluh ih kan tthatnak ding hrangah le Amai’ sunlawinak hrangah ziangkim in tuahsak ringring a si.

Kannih cu famkim lo hringtu pa neitu le a famkim lomi fahniang pawl kan si, sihmansehla vancung ih kan Pa cu a kumkhua in a famkim a si.

Vancung ih a um kan Pa, Nang cun ziangtik hmanah in taanta dah lo ding
ti ka theih ruangah Na parah ka lungawi.

Leitlun hringtu pa thawn pehtlaih awknak ttawnttai kan neih ruangah vancung ih kan Pa rinsan thei lonak thinlung kan nei pang maw? Ka nei asile ziangti’n cuih hmuh daan cu ka thlengh saal thei pei?

@ Ava Pennington

(Visited 28 times, 1 visits today)

Comments

comments

Comments

%d bloggers like this: