Pa A Si Nak

Pa A Si Nak

Nau hniang ka si lai ka ngai ee, kirsal thei  silo
Alu tlun ah in khirh ih thla phang in ka tap theu,
Rinsantlak a sinak a lang ter ti ka thei lo.

Feh thiam lo kei mah te hling lak ih ka bah tik ah
Liang ah in pusuan ih zianghman in, in siatsuah thei lo,
Humhimtu a sinak a lang ti ka thei si lo.

Duhhrilnak zin dang ka feh lai caan ah
Thu tha in sim ko nan mualphonak in caan a liam theu,
Duhdawttu a sinak a langter nan ka thei thiam lo.

Tlang 10 dan ah thil tha ka hawl ka ti lai ah
Riahsiatnak thimkhuazing ka tawn can khal ah,
Ka pai thlahnuai ih hnangam nak khi ka hmu theu si lo.

Beidawn lungsir ih kapai hnen ka kir sal tik ah
Dung tun siang loin hnangamnak thawn in hmuak
Pai duhdawtnak a lang ter sin sin e.

Salai TT

(Visited 38 times, 1 visits today)

Comments

comments

One Comment

  1. na ca siar a nuam tuk….. Ngan sal ring ring aw,,, Ever

Comments

%d bloggers like this: