Osama Bin Laden Ih Umnak Thei

25th July, 2009

Iran Vanzam A Cang Sual

Tuizingah Iran ram saklamih Masshad khua ih Vanzam cangsual ah minung 17 an thiih midang 23 in hriamhma an tuar.  Hi Vanzam hi Aria Airlines pawlih ta a siih, Russia tuahmi IIyushin Vanzam a si, Hi Vanzam ah hin khaul tlawng minung 153 an to ih, Tehran khawpimihsi zuangsuakin Masshad a thlenih a tumnak hmun Airport ah a tawlh sual ciamco ih  Vanzam hmailam khal a sawp sezetih a si nan a dunglam leh a lai hrawngcu a siat tuklo tiah an sim.

IMF In Sri Lanka Paisa Cawiter Ding

International Monetary Fund (IMF) cun Sri Lanka ram tanpi nakdingah dollar Billion 2 leh  Million 60 cawiter rem a tiih, A voikhat nakah  dollar Million 322 leh 2,00,000 a pe hmaisa dingih cumi hnuah kumkhat sungih thil umdan thla 3 danah a thlir sal cingcing dingih  cumi hnu ih pekbet vivo ding a si. IMF Board thutluk nak hi US leh UK cun an pawmlo ih US leh UK in himi thu an pawmlo naksan cu LTTE leh Sri Lanka Cozah an do awklaiih Sri Lanka Cozah pawlin Tamil miphun pawl parih an thil tidan ah  US leh UK hi an lung a awilo a si.

Himi laiah Sri Lanka Cozah cun  an paisa cawiding micu Sri Lanka ram leh mipi tundin nakdingih an hman tumthu an  simve ih, Sri Lanka Interprise Minister, Anura Priyadarshana Yapa cun  an paisa cawiding micu LTTE pawlin tikcu can reipi an rak uk zomi hmun pawl tundin thatsal nakding asiih  LTTE pawl an nuai cimit thluhhnu ah cun an ram tuahthat sal dingcu an hna thupi bik a si thu a sim.

Himi sumpai cawiter dingthu ah  British Financial Secreatry, Stephen Timms cun  Sri Lanka Cozah paisa cawiter hi a tikcu a si hrihlo ih an ram sungih  rualrem nak taktak a um hngak ta sehla a duhthu a sim.

Taliban Pawlin Office Pawimawh An Siim

Mizanah Afghanistan ram saklam  Khost khawpi ih Cozah zung pawimawh hrekkhat pawlcu  Taliban pawlin thihcilh bomb leh meithal thawn an siim ciamco. BBC in a simnakah  himi khua ih  Police Station,  Attorney General Office, Court leh Bank pawlcu Bomb leh meithal hmangih kah ciamco an si tiah a sim.

Associated Press ih tarlangmi BBC in a simbet nakah hi buainak  an tuahnak sanhi hmaithla ni 20 ih an rampi hril awknak ding tibuai tumtu pawlin mipi hrinhro nakih an tuah mi a si ding tiah a sim. Taliban pawlhin State dangdang khalah buainak an tuahtam zetih Defence Ministry thupuangtu  General, Mahammed Zahir Azimi khalin  kah awknak hi sunzawm vivo lai asi ih tikcu ziangtik tiang kan kap aw laiding ti reltheih  a si hrihlo tiah a sim. Misual pawllak ih minung 3 sun  Office pawlhi Bomb leh meithal thawn an kap ciamco ih cumu hnuah an bomb paimian ti puak a si. himi buainak ah minung zianghmuah an thi ticu an tarlanglo.

Osama Bin Laden Ih Umnak Thei

US ralkap bawibik Joint Chiefs Of Staff Chairman Admiral MIke Mullen cun  Al-Qaida hotupa bik Osama Bin Laden cu  Pakistan ram thlanglam  hmun thupkawm zetah a um ti theih fiang a siih, Himi ruangah  Osama Bin Laden ih umnak hawl dingin leh kap dingin US Ralkap pawl cu kuat an ttul cuanglo ih  Pakistan cu  mahte uk aw mileh mahte rorel mi ram a si ruangah  a zah um a si a ti.

Asi nan Pakistan in a sawm a si ah cun US ralkap pawlcun khawitawk hmun leh ram khalah raldo dingin  an lut vivo thei ih Afghanistan ramri tluan ih Tapung pawlcu theitawp in an do vivo kodingih, Taliban leh Al-Qaida pawlin Nuclear ralthuam neih antum tithu theih a siih, US leh Europe ramih minung pawl a tam thei bikih thah leh tibuai cu an thilti tummi lakih thil tumbik a si ringring tiah US ral bawibik Mullen cun a sim.

(Visited 71 times, 1 visits today)

Comments

comments

Comments

%d bloggers like this: