Online ih Kan Milai Kan Chat Tik Ah….

Online hmang ih duh aw, fanau tiang nei tamzet kan um zo. Online fala le tlangval sinak a diklo kan ti thei lo. Ahlan ahcun inn rori ah kan leng aw thei nan tuisan cu online san ah kan thleng ruangah online hi fala le tlangval hrang hmuhawknak le komawknak hmunpi pakhat vek ah a cang. A hnuailamah online ih na fala/tlangval na biak tikih theih ṭul ṭhenkhat kan tarlang. Numate’n na thinlung thawn siarawla a lo bawmzet men ding…

Manhlap hlah:

Online ih na biak ṭheumi hrang ah can ṭhaten pe aw. A thuhla le a phurzawng zaten na thei ta ding. Ziangvek minung a si timi a thuanthu tawkfang nawn na theihfiang ta a ṭul. A thupibik cu manhlap lo a si. Zamrangte’n tiamkamnak na tuah lo ding. A ṭihnung um.   Ahmaisabik nan biakawknak khalah na lungkim vukvi ding a si lo. Nuamten na hngak ta ding. Amah silo midang khalin a lo be thei tla thei aw.

Rualpi vekin:

Na uar hlan ah thil tampi tuah ta a ṭul. Veikhat chat awknak men ah na duh ding asilo, veikhat hnihkhat video chat thawn zoh awk ih biakawknak khalah na rinsan huahhim men ding a si cuang fawn lo. A tlunih kan nganzo bangin na theihfiang hnu ah duhdawtnak lamzin ah nan feh thei ding. Rualpi vek in na kom hmaisa ding timi kha mang ringring aw.

Bumawknak lakah:

Mi tampi cu an zuk lem an hmang. Hmelsia zet khal ṭhazet bangin an tuah thei. Cun, video le zuk a phunphun ih timawiawk a theih ruangah cuvek tla na theithiam a ṭul fawn. Online hmang ih thil nan kuatawk can khalah virus a um thei. Tekhinnak ah himi message hi rak click aw tivekih ngancia mi ca tla ralrin a ṭul.

Tam Deuh theih:

A profile zuk, a facebook ih a status pawlin asinak tampi a lang ter zo. Fala a biak paih tuk maw, tlangval a biak thei tuk maw, zuk tar a law tuk deuh maw, a um lak tam tuk maw tivek kha a cangvaih daan in na kai thei ding. A caan hman daan pawl tla a facebook ah tamzet a lang thei bet fawn. A mizia sinak pawl cu na duhdawt hlan ah na thei ta tengteng a ṭul.

Comments

comments

One Comment

  1. Caan hmandan pawl a profile pic, status in theithei timi cu ruat ding um nasa, tu le tu profile pic thleng leuhleuh pawl hi ziangtin nan ruat? kei cu miler deuh tuah ding dang thei lo ih facebook ih tar aw lang tin ka hmu, mai hmuh dan cio cu si ko

Comments

%d bloggers like this: