Online ih Kan Cangan Dan Zoh Salnak

– Uk Lian280464-online-tools-for-writers

Kan cangantu pawlih tongfang hman mi ah kan diriam tawk maw, an ṭongfang hman mi a dik tawk maw tivek pawl zoh khawm sehla a sual lem ding sawm! Ziangvek ṭongfang kan hmang khawm ding, kan hman uar ding mi ṭongfang pawl tla bur khawm uhsi. 

Biazai ngannak cafang, nunthuleng ngannak cafang le ṭongkam pawl kha thuthang nganak vekih kan hman ahcun mi a leem lo zet. Hla ngannak ṭongfang kha thuthang ngannak vekih kan hman pang asi ahcun kan thuthang siartu pawl an lungleng zet ding.

Tulai kan cangan nak ih kan hman tam bik mi ṭongfang tete pawl ah kan hman rawi ruri mi ṭongfang a um ih cangantupawl in hman bangawk theinak dingah rel ih thlun khawm dingah malte a hnuai ah ka tarlang.

Nunau maw Numi?

Mirang cun ka theicawk lo nan Girl, Women, Lady, Female etc. pawl hi kan hmuh tam zetmi cu an si. Nunau tiin mi tamsawn in kan hmang ko in ka thei ih huham tla a nei deuh. Numi ti’h hmang khal kan um nan himi pahnih kan hman daan ah remcang deuh le hman uar sawn dingmi hril thlang uhsi.

Nazi maw Suimilam 

Nazi hi Kawl ṭong ti’n teh kan puhcawk ding sawm. Hitluk kan hmang mi cu kan Lai ṭong ah kan la lut zo tinak a si lo maw? Atheih lo nahrat suimilam kan ti thotho ding maw? Ziangtlukin himi suimilam kan hmang uar ding. Ziangvek zawn ah ti khal rel uhsi. Kan hmang ding kan ti asile cangantu zate in hmang tlang hliarhlo ding asi. 

Bawhlung Sit maw Saphuhlum Sit

Bawhlung sit kan ti ruangah kan Lai ṭong asilo tuk kan ti pang maw. Tuini tiang saphawhlum sit ka ti thei ngaingai lo ih himi cu ziangti hman nan duh? Caw kan that le caw phuu kan sit ṭheu ih cumi ihsi kan lak teh a si pang maw ti tla ka ruat. Bawhlungsit ti hi hmang uar men sehla a ṭha ding ka zum. 

Mawaw mawng maw Mawtaw khaal 

Vanzam khaaltu, mawtaw khaaltu kan ti luanglo ṭheu ih kan diriam ngaingai maw. “Khaal” timi tongfang hi, kan hmannak tam sawn cu caw khaal, tu khaal tivek ah kan hmang ih himi “mawng le khaal” hi thleng a ṭul kan ti cio maw. Asilole, kan unau Kawl pawl ṭong tiin kan pe kir men kem….

Lamzawh maw duhlophorhnak 

Himi khal hi bangaw lo tuk fahran in kan hmang celcel. Kawl ṭong cun ‘san-dah-piah’ kan timi kha si ding. Demonstration or protest hi Lai ṭong in bangaw deuh in hmang thlang uhsi. 

Mawṭaw pah aw maw Mawtaw ṭaih aw

Sawh aw, khawng aw, khik aw tivek pawl hi thuthang ngannak ah a mawi zet ko maw, himi hnakih mawi hman daan ding tla a um pang maw? Tahṭhimnak ah, minung kan tam tuk ih kan cal le cal tla kan khawng aw ciamco tivek ah kan hmang thei thotho. Mawṭaw le vanzam tla an khawng aw tin maw kan ti ding lole ṭaih aw tin a mawi sawn maw?

(Visited 233 times, 1 visits today)

Comments

comments

Comments

%d bloggers like this: