Online Duhdawtnak hmangih Phun Kua Kai Lai Nunau Tleirawl Sualpitu Pa Kum 22 Thawng Thlak

Online ihsin ngaizawng ih a tuah mi phun kua kai lai nunau tleirawl pakhat, ni hnih sung nupa sinak a hmanpi hnu ah Innyarr Tili kap ih a tansantu Hein Wai Soe @Pho Thaw Kyar (Kum 18) cu minung ruk thubuai pukmah 363 le sualpinak thubuai pukmah 376 thawn kum 22 sung thawng tla ding in January 26 ah a thu tthensak a si thu theih a si.

Hi thubuai hi 2016 kum June thla ah a rak thleng mi a si ih, nunau tleirawl hi Shwe Pay Thar ih um a si. June 19 ah tuition ka kai ding ti’n inn ihsin paisa 35,000 la in a suak ih a ra tlun sal nawn lo ruangah a nu in palik hnenah thu a thlen. Cumi ni cu zuknung an zoh ih zan ahcun Thamaing Lannsone kiangih Shwin Pyiu Thu Zar riahbuk ah an riah thu palik hnen ihsin theih sal a si.

Cumi hnu ni hnihnak, June 21 lawng ah nunau tleirawl in a nu a phone ih Innyarr Tili kap ihta ra hruai ding in a sim lawng ah an hawl hmuh mi a si. An hmuh ih thuhla an sut tikah online ihsi a duhdawt mi pa in a ihpi ih tili kap ah a ra tan ta mi a si thu a sim.

Source: 7 Day News

Comments

comments

Comments

%d bloggers like this: