Olsam Khristian Nun

Olsam Khristian Nun

Siar: Matthai 16:24-28

Keimah ruangah a nunnak a liamtu cu a nunnak a hum ngah ding.   – Matthai 16:25

Kumkhat Sung aibal: 2,3 John, Jude  – Thufim 21:22-31

TV program tampi cu caan tawite sungah kan zoh ttheh thei. Kan theih duhmi thu pawl caan tawite sungah fiangte in a lang thluh. Ziangahtile cet lam fimthiamnak ruangah Nazi pakhat a reimi program kha minute 6 hrawgah kan hmu ttheh thei. Minisode Net-work in a larzetmi zoh nuam thuanthu pawl kha tawi famkim in a tuah saal ruangah kan zoh duhmi hmuahhmuah kha ol tein kan hmu thei. Mah zoh duhmi pawl caan tawite sungih zoh thei ttheh timi hin ziangtluk in fimnak a sang ti a lang. Kan nunnak ah ziang hmuahhmuah hi olsam dingin tuah thei a si.

Mi hrekkhat cun Khristian sinak hi olsamter an duh. Nipi Ni lawng Biakinn ah an feh. Kawhhran in nunnomnak an tuahmi lawngah an tel. Ahlu malte lawng an thlak ih an khawmpi mi pawl parah an ttha. Taimak suah in zuamnak an nei lo. Nipi Ni cu colhnak le nomnak in caan an hmang.

Cumi cu olsam Khristian sinak a si. Asinan kan theihmi Jesuh dungthlun nun cu Nipi sun ih colh men lawng a si lo lifestyle nunzia a si ih nitin langter dingmi a si. “Dung thluntu” tiih kawhmi cun Jesuh hrangah nunnak pek khi a si (Mtt16:25).

Kan nitin tumtahmi kha Amah ap in A dung thlun dingah in ko. Amah thawn pawlkom nun ih a suahpimi cu kan thuruah, kan thurel, kan lungput le kan tuahmi pawl hi kan lungawinak le Pathian lungawi tertu an si ding.

Khristian nun cu olsam nun hnakin a cuang deuh,

A liamcia caan ih zumnak ih thlacam men kha a si lo;

Nitinte ap-aw mi nun,

Kumkhua rei awh Khrih hrangih nun a si.

Khrih zum timi cu veikhat kekar men si loin

Amah thawn nun sung fehtlang nun a si.

(Visited 22 times, 1 visits today)

Comments

comments

Comments

%d bloggers like this: