Ohio University In Malaysia PM Hononary Doctarate Hlan

SG06_150113_TERIMA_ANUGERAHSHAH ALAM :Malaysia ram ih Prime Minister tuan rerotu Datuk Sri Najib Tun Razak cu, Ohin University cun cawimawinak laksawng ti in Doctor of Humane Letters timi an pe asi. Ohio University le Malaysia cozah hi pehtlaihawknak tha an nei ih, zirnak lam ah Universiti Teknologi Mara thawn bomaw ton in hna an tuantlang asi.

Najib cun tu ih an pekmi laksawng ruangah a lungawithu asim ih, “Malaysia ramsung ihsin Ohio University ah hin graduated mi 2400 tluk an um zo ih, ramleng ihsin US ramsung ih degree ngah tambik lam kan si. Ohio University ih tlawng va theh pawl ruangah kan ram khal ah thansohnak tampi hmuh ding a um. Anmah le zirnak lamzin cio in kan ram an ratlun sak tik ah hna an tuan ih, kan ram in nitin thansoh lam kan pan ringring.

Curuangah, Ohio University hi kan ram hrangah cun kan sawr zet mi asi” ti in asim. Ohio University aiawh in, Trustee Board Member Dr. David Brighthill, interim excutive director for the universitiy’s Centre of International Studies Dr. Li Ming Lee le university’s vice president of advancement, Dr. Bryan Benchoff pawl cun hi cawimawinak laksawng an pek ni ah an telpi ih an hlan asi. Najib hin hi laksawng a ngahnak san cu, himi laksawng pek ding ih an zohfianhnak, hruaitu ih tlinnak dangdang (zirnak, pawlkomawknak, le a dangdang) pawl ah a tlin ruangah pek asi ti in tuanvo neitu cun asim.

Comments

comments

Comments

%d bloggers like this: