OBama: U.S. In Syria Dokalhnak Theithiam

Assad--621x414President Barack Obama in Syria ih dodaltu ṭangtlang pawl an hnemhngeh zo thu kan dung Tlawngkai Nihnihni, 11.12.12, ah a puang.

Syria dodaltu group ih palai pawl khal cu Washington ah ret a si ding. Cucu leitlun ram tinkim ih Syria ram buainak tlunah mah le ti theitawkten ṭan an lak rero tikcu ah Washington acozah ih Syria thawn pehpar in a thupi zetmi karbak pakhat sangih a kainak cu a si.

Obama in Syria dodaltu Council cu a tharten din a siih US ih bawmnak khal a ngah ding thu a sim. “Hitin kan hnemhngehnak cu atu thil sidan tlunih kan ṭuanvo pakhat vekah a cang ti cu a fiang zet,” ti’n Obama in ABC News ih interviewnak ah Tlawngkai Nihnihni ah a sim. Cun, “Cuticun anmah le mah khal zum-aw zetin an um thei ding. Ziangahtile annih hi party zate ih aiawhtu pawl an si. Annih pawl cun ramthuhla politiclam ah nunau canvo le mi malsawn canvo pawl cu an upat a si,” ti’n a simbet. Hiti ih US in thil thupi zet pawl a tuahmi hi Britain, France le America rualpi Arab ram pawl cu kan dung thla Qatar ah an meeting ih, cumi ṭheh hnuah an tuahmi a si.

U.S. ih hnemhngeh zomi Syria dodaltu council in Syria buainak thawn pehpar in leitlunpi huap ih ruahrel khawmnak conference cu tukar sungah Moroco ramah tuah thei dingin an beisei. US Secretary of State Hillary Rodham Clinton ih Marrakech ah Tlawngkai Nithumni ah meeting a kai dingmi cu pumpi damlonak ruangah a thulhsal ih, cumi ruangah atu ih ta hi Deputy Secretary of State William Burns in meetingnak ah a hruaisal ding. US in hi Syria dodaltu group pawl cu ralṭhuam lam bawm ding cu zum a um lo. Ralṭhuam bawm le bawm lo ding thu ah eelawknak a um hrih.

Washington ih duhdan ah cumi group cu committee fate din in caan tawite sung hmakhat ih thil thupi zet tuahpi dingin a duh. Asan cu Assad dawihlonak dingah cumi group in a bawmthei ding ruangah a si. Cui committee sungih mi hrekkhat pawl khal cu mi thupi zet pawl an si. Zunglam thusuak pawlin atu Syria thu thawn pehpar ih American  ih naihdan hi kan dungkum Lybia thawn pehpar ih American ih naihdan thawn a bawngaw zikzik a si ti’n an sim. Atu tiang cu Syria in chemical hriamhrei a hmang maw hmang lo fiang a si hrih lo, cumi tla zingzoi dingah US in an aiawh pawl cu dodaltu pawlih controlmi hmunram pawlah a thlah ding.

Syria buainak a ṭhok hnu hi thla 20 lenglo a si zo ih, President Assad dodalnak cu nikhat hnu nikhat in a ṭhang sinsin ih ramsung ukawknak khalah a tlaniam rero. Hihi ramsung doawknak a sangtuk ruangah a si. Dodaltu lamih reldan ahcun tuni tiang Syria ramsung buainak ruangah 2011 March ihsin thokin mi 40,000 cu an thi zo.

(Visited 145 times, 1 visits today)

Comments

comments

Comments

%d bloggers like this: