Obama In An Nu Mitthli Thawn Lawm

Barack Obama cun kum 8 sung USA rorel innsang bik white house ih caan an hmannak ihsin a caan netabiknak, mipi hnenih thucah a simnakah a nupi Michelle le a fanu pahnih hnenah a dawtnak le a lungawi thu simnak a neiih a lunghno in a mitthli a tla. Hi tin a sim…

Michelle LaVaughn Robinson, South Side ih lengnu, a liamcia kum 25 sung kha kan ruun inn ih ka thainu le kan fanau pawl ih sunghno nunu men na silo, ka rualtha na rak si ringring. Na dillo mi tuan dingthil cu na la, cu mi cu zangfahlainatnak le nangmai that ngilneinak in na tuah suak. White House ruun thang innpi cu mi zakip hrangah na can ter. Santhar thangthar nonawl pawl cun nangmah cu lo zohton in an hmathlirnak le an zohnak khal an tisang a si. Ka suantlak rori siding na tuah. Kan rampiih uangawknak tlak khal in na tuah.

Malia le Sasha, nan tlangneello mi danglamnak le thiltharhlir ih tuammi hnuai khalah mangbangza lengnu pahnih te nan siih mawinak le fimvar hleiluatnak pawl khal nan nei, cumi hmuah hnakih thupihleihluat mi cu, nan zaidamnak, nankhurkhuaruahnak le midang nan zawn ruahnak pawl a si. Hi tluk kum le cen harsatnak cu hmakhatte vekin ollai zetin nan phur suak. Ka nunnak ih ka tuah mi pawl hmuah ah nan suahsemnak pa ka rak sihi ka uangawknak nasabik a si.#

Comments

comments

Comments

%d bloggers like this: