Obama le Mitt Romney Khaikhin Hnik Kung

by- Thengre

An pahnih in hi 2012, U.S presidential election ih zuam aw vutvo rero lai an si ih U.S mipi ih innsang titi nuam an si. Obama le Mitt Romney an daanawknak malte, zo sawn U.S president ah a tling thei ding timi thlirnak vekin a hnuailam ah mallai ka tarlang.

Romney in US president si ding ih a zuam rero lai ah Obama cu U.S president tokham saang ah 2008 ihsin khan a rak to hiahhiah zo. Cule, an suahkehnak hmun le ram ah, Barack Obama cu August 4, 1961 ahkhan Honolulu, Hawaii, ah a piang ih Indonesia ah tlawng a kai.

Mitt Romney cu March 12, 1947 ahkhan Detroit, Michigan ah a suak ih hmun dangah tlawngkai riai lo in a suahsemnak hmun rori ah cazir le sumpai hawlin a khawsa lan. Obama cu multicultural background (Cihthlatu dangdang ih ra suak) a si. Obama ih pa le nu cu miphun dangdang an si. Asinan. Mitt Romney ih nulepa cu mirang veve an siih Scottish le German cithlah an si.

Curuangah an suahkehdan kan zoh tikah Obama cun duhdawttu rual le pi hmeltheih a nei tamsawn ding tiin a lang.

Kan theih cio bangin cazirsang le mithiam sang veve an si. Obama cu president a ṭuan hlan ah Chicago ah lawyer hnaṭuan in a caan a hmang ringring ih daan le duun zirsuak pakhat a si. Cuvek thotho in Mitt Romney cu sumpaileilawnnak lam zirsuak ih ṭhanlian mi minung a si ve. An pahnih in anmah le tawkin an lamkal zawngah mithlawhlting veve an si.

Mitt Romney danglamzetnak pakhat cu political background ṭhazet a nei. A pa George W. Romney cu Michigan ah Governor hnaṭuan ih um a si. Cun, Pratt–Romneys timi political background tiang rak nei sungkua an si. Asinan, Obama cun a pa le pipusan ihsin political background thuanthu hrimhrim a rak nei lo. Obama cu daan (legal) lam thiamsang asi ih Romney cu business lam ih thiamsang a si ve. Mitt Romney president a cuh hlan ah mipi hrangah thil tamzet a rak tuah. Winter Olympics an rak hlawhsam ringring mi tla 2002 ah cun hlawhtling ko a tuah thei. A tuah a thamnak ah a tluang ringirng ruangah tla a si men ding mi tampi ih thinlung a neh thei ringring.

Romney cun ram mipi ih ṭul zet hnaṭuan ngah theinak (job opportunities) tuah ṭhat a tum ih harhdamnaklam (health care), daan le duun pawl khal rem a duh ih tuah dingah tumtahnak a nei rero lai ah Obama cun a ram sung mipi hrangah thlengawknak tampi a rak tuah zo. Cun, an huat tuk mi Osama Bin Laden tiang in a tha sak. Ending the war in Iraq tiih an ngen mi tiang in a tawlrel.

Mitt Romney in U.S mipi hrang tumtahmi tamzet a nei ih asinan Obama cun cuvek tumtahnak thar ngaingai a nei lo tiah sawisel a hlawh. Mitt Romney cu sumpai hawl daan le cangvaihnak dang ah a neh zet thei men asinan Obama cu University of Chicago Law School ih daan lam zirhtu a si men lawngsiloin mipi thuṭhen saktu dinhmun tiang a rak si dah tikah daan lam hawi in a cangvai rero.

Asinan, Mitt Romney cun daan lam thiamnak le theihnak a nei mal ruangah sumpai hawldaan, mipi hnaṭuan theinak lamzin in a bei vet hung.

Theih zo bangin Obama cun leitlun pumhuap daihnaklam ih thlengnak a tuahnak ruangah 2009 Nobel Peace Prize laureate tiang a rak ngah zo. Cuitilai ah Romney cun laureates lawksawng tivek a dawng ve lo.

America buaipibik mi pakhat Same- sex marriage thu ah Obama cun a pawi tinak neiloin tha a pe. Asinan, Romney cun duh lo in same-sex marriage hi a dokalh bepbep a si. Biaknak thu ahhin, Obama hi Pathian zumtu felfel tiaw ve mi asiih Christian (United Church of Christ) ah a um. Romney khal hi Christian tiaw ve mi asiih Christian (The Church of Jesus Christ of Latter-day Saints a.k.a. Mormon) ah a um. Mornmon biaknak hi Christian ih pom lo khal cu an um ko.

(Visited 87 times, 1 visits today)

Comments

comments

4 Comments

  1. Salai Lal Hre Luai says:

    A tlun ih ca hi a tha zet ko nan cangan tu ih taarlang mi winter olympic te hin mal te ka hnak i doh deuh. Zohman bomhmi ka nei lo. Winter olympic le Summer olympic dan awk daan tla kan theih a tul men ding. Cun 2012 London Olympic thu ah, a (Romney) rak tongsualmi ruang ah London Mayor le Britain Prime Minister pawl ih an ram mipi hnenih “Are you ready?” ti ih an au ciamco mi kha kan hngilh lo a tul men ding.(2002 winter olympic thu lawng pehpar ih ka nganmi asi. Politic thu asi lo. Zohman ka bawm hranlo).Ka lung awi.

  2. pu chinland today cu Obama lam na uarsaw
    n abang

  3. Obama cu na tan tuk a bang? Nang thawn cun kan tangtlang thei lo ding si hi maw!

  4. Mitt. Romney ka ttan e. Hehe

Comments

%d bloggers like this: