Obama Kan Ram A Thleng Zo

US President Barack Obama cun kan ram khawpi hlun Yangon ah Air Force One thawn a ra ṭum.

US ih lalnak cotu Barack Obama kan ram ih a ra tlawn ruangah soiseltu ziangmaw tizat a nei. Ramsung ih ramthu khel thawngtla pawl suahthluh an si hrihlo thu le rampi a tuahrem awknak pawl ih hmalaknak a neihmi pawl ah duhthusam, mipi zalennak tlamtling asi hrihlo tiih ra ti khal cu an um.

Obama hin Yangon ah sml 6 tluk a um ding. Kan ram khawpi thar tiih an dinmi NayPyi Taw cu pal a tum lo. Hi reilote a um sungah Suu Kyi le ram hruaitu pawl a tong dingih Phunsang tlawngta pawl hnen khalah thutawi simnak a nei ding.

Obama hin kan ram ih bawmnak a ngah dingmi $170 million khal hi a tlawnnakah a phuan lang ding zum a um zet tiin BBC cun a tar lang.

Kan ram a tlawnnak ah US State Secretary Hilary Clinton khalin a thlun ve. Tu kan ram ih an tlawnnak san cu Cambodia ih Asia ramtin hruaitu pawlkom thurelnak Association of South East Asian Nation ih tel ding a  feh phah ihsin a tlawng phah mi a si. Asia ram ah Thailand le Kan ram le Cambodia pawl lawng a pal ding.

 

Comments

comments

One Comment

  1. kan ram na timi hi ka duh lo……….kawlram a si…..kan ram cu a si tuk lem lo……kawl uknak tang um mi kan si…..kan ram cu chinram a si……kawlram a tleng tilaw atha deuh lai…….thawng na van kan thanh khawh caah kan i lawm tuk

Comments

%d bloggers like this: