Obama Israel A Tlawng Ding

images (2)Pu sum
US President, Barack Obama cu hmaithla ni 20 ah khin Israel ram a tlawng dingih, Israel ih ni 3 a caamsungah West Bank ih  Ramallah khawpi khal  a palphahding.
Obama hin US President a si hnuah Israel ram a tlawng hrihlo ih, tuih ruahman nak an neihcia mivek a si len  President, Obama hin hmaithla ni 20 zianglam khin  Tel Aviv kiangih Ben Gurion airport a thleng dingih zanlam ah Israel Prime Miniater, Benjamin Natanyahu thawn kawmawk nak an neicih ding.
A thaisun ah President, Obama hin  West Bank khawpi  Ramallah ah Palestinian President Mahmoud Abaas a kawmleh sal dingih, himi hnuah Jerusalem ah a kirsal dingih mipi hnenah thucah simnak a neisal dingih, Obama hin Jordan khal a palcih ding, Obama leh Israel Prime Minister, Benjamin Natanyahu hin Iran Nuclear Programme thu leh Syria ram buainak thuih hleiah Israel leh Pelestinian karlak buainak tireh dandingih lamzin hawldanding  thupawl an reltlang dingah zum a si.

Comments

comments

Comments

%d bloggers like this: