Obama In Netanyahu le Morsi Relpi

Israel le Hamas doawknak cemter dingah US President Barack Obama in Israel Prime Minister Benjamin Netanyahu le Egypt President Mohamed Morsi Isa El-Avvat pawl cu kan dung Tlawngkai Ningani, 16.11.12, ah phone in a biak ih remtuahnak a nei. Himi hi Obama in a veihnihnak phone ih a biaknak a si ih, Israel le Egypt hruaitu pahnih in Israel le Hamas karlak ih kahawknak hi cawl dingin an zuam ding a duhthu a sim.

Obama cun Israel ih thiltuahmi hi an pompi thu khal a sim. White House ih thu an suahmi ahcun “Hruaitu pahnih ih remrelnak an tuahmi in doawknak cu a cem vivo ding” an zum thu a tel. “President cun Israel le Palestine mipi pawlih sunralnak cu a thin a nat pi thu a sim. Buainak khal cu a zamrang theibik in remrel in sunralnak le thihhlohnak pawl cu reh dingin a cang thei tawkin zuam dingah a duhthu,” White House cun a sim.

Cun Obama le Turkey Prime Minister Tayyip Erdogan cu Israel ram le Gaza khua an buainak thu an reltlang ih an pahnih in doawknak le thahawknak pawl cawl ding an duhthu an suah. US ih State Secretary Hillary Clinton khalin buainak cu um nawn lo ding a duh tiin State Department ih ṭongkhuanngah Victoria Huland cun thuthang latu pawl hnenah simfiangnak a nei. Nuland cun kan theih cio vekin atu khalah rocket pawl cu Gaza ihsin an kap rero thotho.

Israel ih dinhmun ah amah le mah kilhimawk dingmi cu kan pompi a si. Zohman a luattu um loin an tuar veve. A poi in riahsiaza a si,” ti’n a sim hrih. Himi thu ah Canada cun Israel lamah za ah za a ṭangthu an phuang ve. Cun Egypt khalin himi thu ah an ngaihventuk mi in Israel le Egypt karlak ih remdaihnak thukam a siatsuah ding a ṭih ih asinan cumi pahbal lo dingin kan zuam ding tiin an than ve.

(Visited 285 times, 1 visits today)

Comments

comments

Comments

%d bloggers like this: