Obama In Lincoln Hnen Ihsin A Zir Dingmi Thil Pathum

President Barack Obama in American santhuanthu ih a lar zetmi U.S. ih a vei 16 nak president  Abraham Lincoln a upat thu cu a rel ṭheu. Kum 2009 ah khan Obama in zung a to hlan te ah an sungkua in zanhnu pi ah Lincolh Memorial ah an leng. Cun Obama cun Lincoln ih hman dahmi Bible cu a hmaisabik thukam a lak ni ah a hmang ve. Lincoln ih thuhla cu a siar ṭheu ih a ṭongnak khalah a telh ṭheu.

Kan dung naite ih Democratic National Convention (Rampi huap Democratic Meetingpi) khalah a sim. Cu asile, ziangvek pawl cu Obama ih term hnihnak hrangah Lincoln ih a rak zirmi pawl a tlun ding si pei!!! Lincoln ih khua le ram, Illinois Wesleyan University, ih um le Lincoln thuhla zirih mi zirsang Professor Robert Bray in hitin thil pathum in a tarlang. Cu pawl cu:

Pakhatnak: Na ral pawl kha na rualpi ah cangter aw.

Bray cun Lincoln in amah ral le dotu tampi a nei ih, asinan anih cun tuahṭhatnak le ṭuanman(laksawng, hminṭhatnak) lawng a thlir tiin a sim. Cun amah pumpak rori ih a dodaltu pawl thawn hmaton loten a um thiam. Amah ziangtluk in an reelsia in an hua khalah poi a ti lo ih, buainak a suak khalah thinnemten a um thei. Hnihsuahte sai phah le khabe sep phahphah in ralawknak ih ralkhat a simi, thuhla agenda parih thinlung retnak ah a hruailut thei tiin hminsinnak pek in a sim.

Pahnihnak: Felfai in lungfek aw, asinan thaten tuan aw.

Lincoln in thil a tuah tikah olai le ti luala in a tuah dah lo tiin Bray cun a sim. Cun Lincoln cu a tong a mal ih amah lawng thuruat ngurngo in ralring zetin thil a tuah theunak ruangah ram thuhla ahcun mi a neh zet. Midang cu a duhmi le rampi ih a tulmi poimawhmi pawl a cangsuak theinak ding hrangah thanau le thangsia, le ngol ti um lo rori in a forh ih an lungkim ko in a tuah thei. Thinheng in ziangtik hmanah a tong dah lo. Amah duhlotu pawlih thinheng dingin thu a sim dah fawn lo tiin Bray cun a simbet.

Pathumnak: Thusaupi ruat aw.

Lincoln cun reilote hrang siloin hmailam caan saupi hrangah fiangten a hmu tiin Bray cun a sim. A ruahmi, hmailam hrangih a ruahmi ah, hi salluatnak ding lawng hi a si lo. Salluatnak a theh ih a ra thlun dingmi African-American pawlih an tong dingmi siatsuahnak, a hleice in thlanglam ah, a theh le saklam ah, pawl cu a hmu cia. Salluatnak ih a suahpi dingmi cu kum reilote sungah a dai lo dingih, curuangah ramkheltu pawl hnenah nasa zetin remtuahtheinak hrangah lam a hmuh cia. Lincoln cun felfaiten hnatuannak in hmual a nei ti a zum vekin, cuti vekin kan tuah ahcun America mi le sa in leitlunpi ih zohthimtlakmi tleunak cu kan nei thei ding a si, tiin Bray cun a sim.

CNN

(Visited 181 times, 1 visits today)

Comments

comments

2 Comments

  1. Mi tin in Lincoln vek ih thinlung put le khuaruahnak kan neih ve ding hi a va poimawh tam em ve! A hleice in Hotu/Hruaitu pawl hrangah ziangtluk in a poimawh caung!

Comments

%d bloggers like this: