Obama in Isreal PM Kawm A Tum Lo

White House in thu a suah nakah tuithlacem zawng hrawngih Isreal Prime Minister, Benjamin Natanyahu in US feh a tum nakah  US President, Obama in rak kawm a tumlo thu a tarlang. himi thuhin leitlun a dengsuak cak nasa ih, Iran Nuclear thuhla ah Obama leh Isreal Prime Minister, Benjamin Natanyahu  hi an thu a hmuaw theilo ih, Isreal cun Iran Nuclear thuah US cu Iran  parah nadeuhih thilti dingin a nawr ringringih, hihi Obama ih Cozah cun a ngaihdan a si silo curuangah Isreal leh US pehtlai awknak hi Obama ih Cozah ah cun a tla niam vivo dingah ruah a si.

Isreal Cozah cun  Prime Minister, Benjamin Natanyahu cu UN General Assembly pumkhawm awknakih tel, phah in Obama hi kawm a tumih, asinan White house in a rem a tilo tiah an sim. Himi laiah White House thupuangtu Tommy Vietor cun  Isreal Prime Minister, Benjamin Natanyahu in  President, Obama hi beaw dingin dil nak ngaingai a neilo  dil nak a nei a si ah cun Obama in a el hrimhrim lo ding tiah a simve. Benjamin Natanyahu leh Obama hi UN  General Assembly ah cun an tel veve dingnan  New York ih an um tikcu a bangaw lo ding.

Isreal Prime Minister, Benjamin Natanyahu leh US President, Obama hi an ngaih aw tuklo tiih relmi an siih, kum 2009 ihsin voi 1 lawng an kawmaw, US President, Obama in Israel Prime MInister a kawmduhlo ding ruangah US President thar hrilawk nakah  US ramsungih Juda pawl leh Isreal lam ttantu pawlih vote hi Obama in a hmu nawn kemaw tihi  thusuh nak tumzet a siih, Republican Party ihsin President Candidate, Mitt Romney inle Obama cu Isreal  ttanttha duhlo leh Iran parih nem lutuk ah a rak puh ringring fawnsi, curuangah Mitt Romney hi US ih Juda pawl leh Isreal ttamtu pawlih vote a laksak  theimen tiah  ruattu khal an tamzet.

Benjamin Natanyahu leh Obama hi Iran in Nuclear ralthuam a neihlo nak dingih hnatuan  tlang dingah an thu a rualnan  Isreal duhdan vekih Iran in thutiamkam cin nei dingih  nawrhi Obama in a duh silo ih, cu ruangah an duhdan a baangaw theilo tiah theih a si. kum 2008 ih US President hril  nakah khan  US ih Juda pawlih vote zaa ih 78% kha Obama in a hmu ih, a sinan tuikum June thla in mipi ngaidan an lakah ah khacun Juda miphun pawl leh Isreal lamtantu pawlih Vote kha  zaa ah 64% lawng Obama in a hmu ih, US President hrilawk nak leh Politics ah hin Juda pawlhin umzia an nei thuk zetih ruah a si.

(Visited 88 times, 1 visits today)

Comments

comments

Comments

%d bloggers like this: