Obama In Israel A Ngen

Mizan sun ih  Palestinian President,  Mahmoud Abbas leh US President, Barack Obama White House ih an kawm awknak ah  Palestinian President, Mahmoud Abbas cun  West Bank ih Israel miphun pawl an um sungah cun  rualrem awknak taktak a um theilo ding thu Obama hnen ah a simih.
US President, Obama cun  Israel leh palestinian karlak ih rualrem nak a um theinak dingah ram hrantei neih veve ding hi Arab ram pawl hmuah hmuah in pawm thei hai sehla a duh thu a sim.

Surbung Tlang Thuthang Siarbet

Kan dung karih  Israel Prime Minister, Benjamin Natanyahu leh US President, Obama White House ih an kawm awknak khalah Obama cun  Israel le Palestinian karlak ih rualrem awknak hngetkhoh a um thei nak dingah  ram dangdang in tthen awk ttha a tithu a rak sim zo ih. Hi thu hi Israel khalin pawmpi thei ve dingih a duhthu Obama cun a rak ngen ih.Israel in a miphun pawl ih umnak West Bank ah  Inn sak nawnlo dingin Obama cun  a ngen bet.

Himi laiah Israel Prime Minister, Benjamin Natanyahu cun Israel minung pawl umnak dingih West Bank ih Inn sakbet a tum nawnlo thu a sim ih . Asi nan Israel pawl an pun vivo ruangah an umnak hmun leh ram a ttul bet vivo dingih himi ruangih ram tthen awknak tuah ding cu Israel hrangah cun

thil tuah theihlo mi a si a ti. kum 1967 ih Ni ruk sung an rak do awk ah khan Israel in a raklak mi West Bank ah Israel in a miphun pawl a rak umter cih in tuah hin West Bank ah Israel miphun minung 2,80,000 hrawng an um ih. Palestinian pawlin kanram an ti ringring laimi East Jerusalem khal ah Israel minung 1,90,000 hrawng an um lai.

Comments

comments

Comments

%d bloggers like this: