Obama in Dalai Lama A Tong Ding

Obama in Dalai Lama A Tong DingHImi tu amw
 
White House Thupuangtu,Bill Burton in New Hampshire ih  Thuthangca latu pawl hnenih a sim nakah China Cozah in nasa zetin dodal khal sehla  President, Obama cun Tibet ram Buddisht biaknak hruaitu Dalai Lama cu a tongding tiah a sim.
 
US President, Obama hin nikum  November thlaih China ram a tlawn khalah  Dalai Lama a tonding thuhi China ram hotu pawlih hnenah a raksimzo ih, hihi a ti hlawh tling tengteng ding a si tiah a ti. Ziang tikah a tong ding ticu a relfiang duhlo ih tuithla cem zawng ah maw thla thar ah si maw a tongding tilawng a rel.
 
Mizan sunah China Communist Party Hotu, Zhu Weigun cun  Obama in Dalai Lama a tong a si ah cun China leh US karlak pehtlaih awknak cu a siat tengteng ding tiah a rak puang zoih, Himi thu pehzawm in tuisun ah China Foreign Ministry cun thusuah nak a tuahbetih  China President, Hu Jintao khalin  Dalai Lama tonglo dingih US President, Obama cu a rak ngenzo tiah a tarlang.
 
China Foreign Ministry, Thupuangtu, Ma Zhaoxu cun Dalai Lama leh Obama ih tonawk nakding thuhla  hrimhrim cu China Cozah cun a duhlo ih a dodal a si tiah a simih.Nikum November thla ih Obama in China ram a tlawnlai khalah  Dalai Lama cu ram hotu leh ram aiawh tu pawlih tondingcu China cun a duhlo thu Obama hnenih an rak simzo thukhal a simbet ih, Cu ruangah Obama hin China leh US ram pahnih pehtlaih awknak hi satcat lo sehla a duh thu a sim.
 
Iran in UN Thu Thlun A Tum
 
Iran in Nuclear thilri a tuah ruangih UN in tikcu caan ziangmaw zatsung hremnak a pek hnu ah Iran President, Mahmoud Ahmedinejad cun  UN duhdan vekin  an Nuclear tuahnak thilri ih pawimawh bik Uranium cu  ramdangih kuat a duhthu a puang.
 
Iran President, cun  Nuclear thilri tuahnak an neihmi  Uranium cu  a hmaisabik a voikhat nakah 3.5% kuatsuak a si dingih, UN in a tiamawk cia vekin Iranin a Nuclear tuahnak thilri ramdangih a kuatsuak mi 20% a hmukir sallo a si ah cun Iran cun Nuclear Fuel hi a tuahsal ding a si tiah a sim.
 
Iran hin kandung thla khalah a Nuclear thiri cu ralthuam tuahnak ding a silo ih Electrict Power tuahnak ding a si ruangah UN duhdan vekcun a thlun theilo dingthu   International Atomic Energy Agency (IAEA) hnenah a rak simzo. Cu ruangah tui Iran President, ih thusim mihi zumtlak taktak a si ke maw? tihi UN hotu pawlleh ramdang hotu pawlih thinlung sung thusuh awknak tumbik a si. US cun Iran President ih thusim mihi a taktak ih a tuahmi hmuh hnu lanwgah hremnak pekmi hi ngaihtuah sal a siding tiah a ti.
 
Relzo vekin UN hnuaiih Nuclear ralthuam thuhla zohfiang tu IAEA leh  ram paruk US, UK, Russia, France, China leh Germany pawlin Iran Nuclear thiri tuah micu leitlun ram dangdang pawl ti thlaphang tu a si ruangah tuah nawnlo dingin leh a neihcia mi Uranium khal 70% cu France leh Russia ih kuatih  Nuclear Fuel ih thleng danglam dingin a nawrih, hi pawlhi Iran in a thlun duhlo ruangah himi ram pawlleh UN in hremnak a pek laimi a si. UN leh himi ram pawlin hremnak an pek ruangah Iran ram sumpai dinhmun cu a tlase zetih an ram nuntu khawsak dankhal a tla niam zet vivo ih cu ruangah Iran hin UN thu a thlun sal duhnak ih ruah a si.
 
Nuclear tuahnak thiri Uranium hi phun hnih in a umih Uranium hi leilung sungihsi laihsuak mi asi nan  tuah danglam hmaisak lo ah cun Nuclear tuahnak ih hman mai a theihcuanglo. Hi Uranium hi thlitfim a si hnu ah a niam sawn leh a sangsawn a um laiih, a niam  sawnhi Electrict Power tuahnak ih thil tthazet Nuclear Fuel a siih, a sangsawn tucu Nuclear ralthuam tuahnak ih hman mi a si.

(Visited 40 times, 1 visits today)

Comments

comments

Comments

%d bloggers like this: