N!xau: The Gods Must Be Crazy Zuknung Cangtupa

1441167_626822780708343_881603956_n
Myanmar ram sung ahcun ပုလင္းျပသနာ (Palang Thubuai) ti ih kan theih lar mi The Gods Must Be Crazy zuknung ih a cangtupa N!xau (Gco Tekene Coma) hi amah tak cu a theitu kan tam a zum um.

N!xau hi Thlangta Africa khawmualpi, Namibia rammi a si ih 1980 kum ihsin The Gods Must Be Crazy zuknung thawn leitlun pumpi ah a hmin a thang. Kalahari nelrawn ih um ttheu, Bushmen timi ramthimmi hrin pakhat cithlah a si ih, Director Jamie Uys ih duhzawng a si ruangah zuknung zuk ding ih an sawmnak a si.

Cumi lai ahcun zuknung a cannak ihsi a ngah mi cu dollar a za siar fang a si. Himi thu ah Director le zuknung suahtu cu media lam ihsin soiselnak khal an tong. Asinan 1989 ih The Gods Must Be Crazy pahnihnak an can ttum ahcun dollar million hrek hrawng tiang a ngah. Lehhnu khal ah Kwacca Strikes Back (1990), Crazy Safari (1991), Crazy Hong Kong (1993), The Gods Must Be Funny in China (1994), Sekai Ururun Taizaiki (1996) tivek zuknungpawl cang in, Hollywood lawng si lo, Hong Kong lam tiang thleng ngahtu a si.

Hong Kong ih zuknungpawl an can thluh in N!xau cu amai’ ram Namibia ih a suahsemnak hmun ah a tlung. Sumpai tam zet nei hmansehla ziangtivek ih hman ding a si ti hman a thei lemlo. Nambat 20 tiang lawng siar thiam a si ti khal mangbangza in hmuhsuah a si. Sumpai hmandan ding tawlrel lam cu a nai lo nasa. Zuknung an can hlan ah phei cun Mirang pathum lawng a hmu-dah-tu a si.

1996 kum ih zuknung an can ttheh hnu in amai’ suahsemnak ah lo hnattuan, ramtawi in a um men. 2003 July 12 ni ah sikserh nat ci khat in a thi. N!xau hi amai’ kum hman theilotu a si. Tualsung mi pawl ih rinruahdan cun kum 59 ah a thi ti a si.

Mi mawlmangte sihmansehla Thlangta Africa khawmualpi ih minung nunphung le cindan ziaza pawl leitlun ih thei ding in a tuahtheitu a si ruangah N!xau ih hmin cu tuini tiang in hnihsuak zuknung khawvel ah a tang ringring lai.

Ref: Wikipedia

(Visited 1,428 times, 13 visits today)

Comments

comments

Comments

%d bloggers like this: