Nupi thawn Um Tlang hnakin Thawnginn ih Um Duhsawntu Lawrence Ripple

Šianglianuk Ķianghrol

Kum 70 mi putar Lawrence Ripple cun phunzai a hmang tuk mi a nupi Endayon thawn um tlang hnakin thawnginn ih um a hahdam sawn a zum ruangah bank pakhat a suam tiah The Sun (UK) in a tarlang.

Putar Ripple hin 2016 September 2 ahkhan Kansas City, 756 Minnesota Ave lamzin ih Bank of Labor ah va lut in meithal a suah ih British pound 2300 a la. Cu thluh ah palik a kawhter hai ih a lak mi paisa le a hman mi meithal thawn thinsaute’n rak hngak in a kaihkhihawkter. Himi sualmawhnak ruangah kum 20 tiang thawng tla thei dinhmun a si. Tu tiang ahcun thubuai hi thutthennak an tuah hrih lo.

A thawng tlak ding kum zat hi a tam tuk ih, a rak beisei vek cu a si le si lo theih a si lo. FBI ih zingzoinak ahcun bank a suam hlan ah a nupi thawn nasa zet in an to aw tiah theih a si. Ripple ih nupi Endayon khal thutthenzung ah a feh ve ttheu nan zianghman a rel duh hran lo thu a sim.

Comments

comments

Comments

%d bloggers like this: