Nupi Pahnih Neih Lo cun Dam Sung Thawng Thlak Ding: Eritrea

Šianglianuk Ķianghrol

Africa nisuahlam ih Eritrea ram ahcun mipa pitling cun nupi pahnih a neih lo ahcun hnattuan khunghar le dam sung thawng thlak a si ding tiah cozah in thupek a suah thu DVB thuthang in a tarlang.

Nupi pahnihnak nei bet lo ding ih an pasal a dawnkhamtu nupi khal dam sung thawng thlak thotho ding a si.

1998-2000 kum ah Ethiopia ram thawn an doawk ruangah an ram mipum a tlaniam ih, cumi silhkhahnak ding ah mipa pawl in nupi tampi nei in fa tampi an neih theinak ding ah cozah in a ruahman mi a si.

Mipum million 4 lawng a um mi Eritrea ahhin ralbuai ruangah ralkap 150,000 zikte an rak thi ih, tu ahhin an ram mipum hi million 6 zikte an si.

Himi thusuah hi social media ah an soisel nasa ih mi tthenkhat cun milai canvo le zalen zet ih hril theinak a dawnkham tiah an ti. Nunau tam sawn khal in himi thusuah hi an duh lo ti a si.

Comments

comments

Comments

%d bloggers like this: