NUNPI AW!

January 1, 2009

Tlawngkai Nili

 

Nunpi Aw!

 

Siar:

Ezekiel 33:30-33

 

An hrangah nang cu thabang colhdamnak ih ngaihla saktu men ah na cang. Na ttongmi cu an thei na’n pakhat hman an thlun hrimhrim lo.

– Ezekiel 33:32

 

Kumkhat sung Baibal:

          Seemtirnak 1-3

          Matthai 1

 

Kum tinte’n ka tumtahmi cu Baibal a zate’n siar ttheh ding a si. Kum Thar ih tuah dingmi pawl ka ngannak ca-uk sungah bookmark timi cabu sungih cahmai dannak card fate a um ih a parah nauhak tthazet in kilkhawi ding ngennak le “siar men hlah, nunpi aw” timi an ngan. Hih ca-uk dannak ngantu pawl in mi tampi cu ca lawng kan siarih kan tuah suak ngaingai lo ti an thei.

 

Pathian Thu cu siar ringring ding a tlak na’n siar men lawng in cem hlah seh. Profet Ezekiel in theih lawng duh ih tuahsuak ding a eltu mipi pawl hnenah thu a sim. Bawipa in Ezekiel hnenah, “An hrangah nang cu thabang colhdamnak ih ngai hla saktu men ah na cang. Na ttongmi cu an thei nain pakhat hman an thlun hrimhrim lo, ” (Ezk. 33:32) a ti.

 

Jesuh in, “Ka ttongmi a thei ih a thluntu cu lungpi parih innsaktu mifimpa bangtuk a si,” (Matt. 7:24) a ti.

 

Tuih kum ziangti’n Baibal kan siar ding? Siar ttheh duhnak men ah zamrangzet in kan siar ding maw? Culole, kan siarmi in ziang tumtahnak a nei ti theih duh ah kan siar pei maw? Siar menmen hlah, Nunpi aw. –David McCasland

 

Baibal in kan ttulmi hmuah in pek,

Nitin te Pathian duhnak ih nung dingah;

Asinan kan siar lo ahcun a tthathnem lo ding,

Kan siar ttheh in a simmi thlun ding. -Sper

 

Baibal siar ih a hlawknak cu a thu theihnak lawngah si loin a thu

thlunnak ah a si.

Comments

comments

Comments

%d bloggers like this: