Nunnak Thar Ih Nun Saalnak

April 3

Zarhte Ni

Nunnak Thar Ih Nun Saalnak

Siar:

Rom 6:1-11

Baptisma kan laak tikah Amah thawn phummi kan si ih a thihnak ah khal kan ttawm ve; cuvek thotho in Pa ih sunlawinak huham in Khrih kha thihnak ihsin a thawhter bangtuk in kannih khal a thar in kan nung ding.     -Rom6:4

Kumkhat Sung Baibal:

–   Thutthentu 19-21

–   Luka 7:31-50

Ka siibawipa in cancer nasi ti i sim vete’n a ttongmi ka ngai ko nain ziang a ttong ti ka thei nawn lo. Inn ka tlung ih ka lu puan khuh in tokham sau parah ka itthat.

Netabik ah ka duhdawtmi rualpi pawl hnenah ka natnak thu ka sim hngai tikah, ka rual nu Judy Schreur in ka hngilh thei dah lo dingmi hnemnak thu i sim. Zaangfahnak mit-hmai thawn i simmi cu, “Ziangvek na si ding tile ni 3 sung na thin a nauzet ding. Cuih hnu ah thazaang thar na ngah saal dingih na tuah ding pawl na ruat ding, cule nangmah keel na si saal ding,” i ti. Cuihhlei ah, himi hi, “Thihnak le thawh saalnak a si ding tiah ka ruat,” a ti.

Culai ahcun ka rak zum lemlo. Ka nunnak cu a cem zo, keimah keel ka si thei nawn lo ding tiah ka ruat. Asinan a simmi thu cu a dik. Ni thum a rei hnu ah ka tho saal ih ka thin a nuam deuh ti ka thei aw. Nuam tete in sii thawn ka tuamhlawm aw ih ka thinlung le ka ruahnak a tthangso vingvo. Ahlan ih ka sinak hlun ah ka “thi” ih ka sinak thar ah ka “tho saal zo.”

Lungawi za a simi cu Pathian cu thawh saalnak hna a ttuan ringring. Ziangahtile Khrih sungih a thimi cu nunnak thar ah thawh saalnak le sunlawinak nun kan ngah ding ih, “Nunnak thar in kan nung ding” (Rom 6:4). – Julie Ackerman Link

Jesuh, in Runtu kan ai ah a thi,

Amah sungah kan thi, thihnak in kan tho;

Thihnak cu kan ttihmi thil a si nawn lo,

A hlun ka dungah, a thar ka hmai ah. – D. De. Haan

Khrih sungih um cu A thihnak ah le

A thawh saalnak ah kan ttawmve tinak a si.

(Visited 40 times, 1 visits today)

Comments

comments

Comments

%d bloggers like this: