Nunnak Ih A Thupimi

August 9

Tlawngkai Nikhat 

Nunnak Ih A Thupimi 

Siar:

1Peter 5:1-7

 Pathian thu a lo simtu, hlan ih nan hotu pawl kha ciing ringring uh.   – Hebru 13:7 

Kum  khat Sung Baibal:

–   Saam 77 – 78

–   Rom 10 

Pastor Isaac Hann cu mi malte lawngih theihmi kum zabu 18 laifang hrawngah England ram Loughwood khua ih kawhhran fate pakhat kilkhawitu Pastor a si. A hnattuan cawlh zik tiangah a kawhhran mipum cu nunau 26 le mipa 7 an si. Mipa 7 sungah 4 lawngin pelh loin punghman te’n an khawm.           

Atu san thar kawhhran sungtel a thawng sawm tamnak san ah zo in so cuih Pastor pa cu hnattuan hlawhtling a ti thei ding? Isaac Hann cu beidong lo ih tuahsuaktu pakhat kan ti thei ding maw? Pastor tampi tonkhawm thurelnak (Pastors’ conference) hmun ah thusimtu ih sawmmi a si dah lo dingih kawhhran tthansonak thuhla ngantu ding khal ah ngenmi a si dah lo ding. 

Asinan a kum 88 ih a thih tikah a kawhhran sungtel pawl in an tonkhawm awk ttheunak inn-phar parih catlang an tarmi cu: “Tangdormi Pathian hnattuantu cu mi malzet an si, asinan nasazet ih ttihzah upat an co; Pathian ih zaangfahnak ruangah vanlam hrangah an nung, thlatang thingrah vekin an ttil; Casiartu unau, nungdam rei dingin thuruat hlah, nung ttha dingin thuruat sawn aw,” ti a si.            

1Peter 5:5-6 sungih ummi thu ka vun mang saal, “Mihngal pawl cu Pathian in a dodal ih tangdor mi cu mit-hmai ttha a pek. Curuangah a cakmi Pathian ih kut hnuai ah tangdor te’n um uhla Amah in caan a kim tikah a lo khaisang leh ding.” Reverend Isaac Hann cu himi zawn ahcun a ti ttha riai. Nunnak ih thupibikmi cu Pathian hmai ih tangdornak le vancungram ih ttuanman laksawng co ding hi a si. Kannih tla cuvek ih khaisan theimi kan si ve.  -David Roper 

Ropitnak ngaingai cu,

Leitlun ih hminthan duhtu pawl hnenah a ra lo;

Jesuh Khrih hmin in,

Hnattuan ding a hriltu hnenah a um.   -D.De Haan 

Tangdornak cu hlawhtlinnak lamzin a si.

Comments

comments

Comments

%d bloggers like this: