Nunnak, Duhdawtnak le Chocolate

July 9

Tlawngkai Nili

 

 

 

Siar:

1 John 3:16-23

 

Nannih tla cu Pathian duhdawtmi fahniang nan si ruangah Amah bang dingin zuam uh. Khrih in in duhdawt ih A nunnak kan hrangah a pek zo; cuih a pekmi a nunnak cu Pathian lungawitertu rimhmui pekmi le raithawinak ih pekmi a si. Curuangah nan nunnak cu duhdawtnak in lo uk seh.      – Efesa 5:1-2

 

Kumkhat Sung Baibal:

–   Job 38-40

–   Tirhthlah 16:1-21

 

Jeff cu paisa tam a neih lo ruangah an tthit-awknak kum 9 a kim ni zingah an duhzetmi French sang pastry painau chocolate dawr ah a nupi Heidi hei hruai dingin inn ah a ra tlaan ciamco. Baangzet in inn a thlen tikah a nupi cu thir bel tumpi in painau chocolate tuah rero in a ra hmu.

 

Jeff in an nunnak le O. Henry ih nganmi: “Mifim pawl ih laksawng,” timi thuanthu a tahtthim. Cuih thuanthu sungah mi pakhat in a nupi hrangah thaithih lei sak a duhtuk ih cumi leinak dingah thil mankhung a neihsun angki zaal sungih pai theimi a nazi duhzetmi a zuar. A pasal hrangah sui ih tuahmi nazi hri leinak dingah a nupi in a samsau mawizet cu tan in a zuar.

 

Paisa an nei lo nain an ngaihsak awknak hi a tumtuk. Kan thupittermi pawl ih man hi paisa hnakin a thupi sawn. A caancaan ah thilri ngah hi Pathian ih in pekmi minung pawl lungawiter ding tlukin a thupit lo zia raalrinnak pektu kan ttul ttheu. Kanmai’ duhnak hnakin midang ih duhnak co-u (prioty) kan pek tikah (Fili. 2:3) duhdawtnak, rian awknak, pumpek awknak kan zir ngah ih kan nun ah Khrih kan langter a si (Efesa 5:1-2).

 

Nunnak, duhdawtnak le chocolate cu midang kan hlawm ve tikah a thaw cuang.

 

Ka duhdawt mi pawl thawn hlawm awk ka duh,

A saangbikmi lungawinak ti ih ka ruahmi;

An dam sung lungawiter ding lawng a si lo,

Pathian thangtthatnak saangbik a pek ding.

 

Duhdawtnak cun tampi pek ding a hreh dah lo.

(Visited 21 times, 1 visits today)

Comments

comments

Comments

%d bloggers like this: