Nunnak A Tawi Zia

June 19

Zarhte Ni

Nunnak A Tawi Zia

Siar:

Saam 90

Kan nundam kum cu kum 70 sung a si; kan damcak asile kum 80 khal  a si thei. Asinan kan nun sung kum ih in summi cu harsatnak le donharnak lawng a si. Nunnak cu rei lo te ah a cem ih kan hlo ta a si.     – Saam 90:10

Kumkhat Sung Baibal:

–   Nehemiah 12-13

–   Tirhthlah 4: 23-37

Kum 72 mi hlasak thiam Motown’s vocal group, The Four Tops ih telmi Levi Stubbs cu October 19, 2008 ni ah a thi. Ka nauhaklai ah The Four Tops pawl ih hla pawl hi ka rak duhzet ih ahleice in Stubbs ih aw hi ka uarzet. Amah ka tong dah lo nain a thih thu ka theih tikah ka riah a sia.

Ka riahsiatnak in keimah khal ka tar ve thlang ti, i vun mangter. Ka nolai ahcun mi pakhatkhat ih thihnak thu ka theih tikah tikcu caan hi a feh in a feh lo ih a tlan in a tlan a si timi thu i ciingmangter ttheu.

Moses in Saam sungah hiti’n a ngan: “Kan nundam kum cu kum 70 sung a si; kan damcak asile kum 80 khal a si thei. Asinan kan nun sung kum ih in summi cu harsatnak le donharnak lawng a si. Nunnak cu rei lo te ah a cem ih kan hlo ta a si” (90:10). Thih ding thu cu kan thei duh lo. No ringring kan duh nain Bible in kum a liam ih thihnak caan a ra thlen ding thu raalrinnak in pek.

Thusuhnak pahnih: Jesuh Khrih cu Runtu ah cohlang in nunnak a cem tikah A hnen ih zam ding ka raalring zo maw? A tlan reromi ka tikcu caan hi kumkhua i duhdawtu Bawipa lungawiternak ah ka hmang maw?

Kum ziat mi na si khal le nunnak ih a tawizia in a lo sawmngiarmi thusuhnak hi ziangti’n na let?   – Bill Crowder

Kan cahnak cu hmakhat te ah a cem, kan san tthat caan cu a tawi,

Kan nolai caan a liam rang, tikcu caan cu fifir vek a si;

Hmanseh ruahsannak cu kan taa a si, thihnak cu tur a nei nawn lo,

Runtu ka nei, rinsantlak Beunak a si.  – Gustafson

Na nundam caan tawi le sau ding cu na control thei lo,

asinan nunnak ih a thuknak ding cu na control thei.

(Visited 19 times, 1 visits today)

Comments

comments

Comments

%d bloggers like this: