Nunau In Hnipuan ‘Sexy’ An Lei Duh Caan

USA ram University of Minnesota ih mithiam pawl cun ‘nunau in hnipuan sexy bik an lei can cu ‘thla tin nunau thi an neih can a si’ tiah an ti. Kristiana Durantte cun, ‘Nunau in thi an neih tikah nitin an hmuh banmi nunau dang ‘sexy zet zuk’ pawl cu zoh in, cuih zuk ih hnipuan vek cu dawr ah lei ve an duh theu ih, thi nei lo lai ahcun cuvek ruahnak an nei lo’ tiah a ti.

Hih hnipuan lei duhnak hi ‘an koppi ding mipa hipnak dingah a si ih, cucu mi hrekkhat hrangah theihthiam a harzet. Asinan cuih hnipuan sexy tuk pawl cu hruknak ding tikcu le hmannak ding hmun felfaizet in an hril nawn lo tiah Durantte cun a simfiang.

Hlawh mal sawn mipa in thuphan an per tam

American Sociological Associaton le Washington khawpi ih Cornell University mithiam pawl cun nitin nunau le mipa pehtlaih awknak an zingzawng tikah, ‘Nunau hnakih hlawh mal sawn mipa cun, cuih nunau a thlunmi lakah thuphan a per tam deuh’ tiah an hmusuak. Sociologist Christin Munsch cun ‘Mipa cun a nupi asilole a fala hnakin a thla hlawh a mal tikah a tulsammi a relnak ah siseh, a tuahmi le hmailam can ih a saduhthahmi pawl, nitin a um dan le midang thawn an pehtlaih awknak thuhla a simnak ah ‘thuphan’ a tel theu’ tiah a ti.

A simbetmi cu, “Mipa ih hnatuanmi vial nunau in a tawmpi ve a si ahcun, cuih mipa cun a nupi/fala parah thuphan a per tam sinsin thei ih, nunau ih tuan suahmi vial mipa in a tawm (hmanpi) ve a si ahcun cuih nunau cu a pasal/tlangval parah thuphan a per tam deuh ti a si. Asinan ‘Biakkhawmnak, thlacamnak le biakinn ih a feh tamtu’ cun nupi/pasal asilole fala/tlangval lakih thuphan an permi cu a malzet tiah Christin Munsch cun a sim.

Comments

comments

One Comment

  1. asi ngai le cu mipa hrang ah cun a har tuk ding abng

Comments

%d bloggers like this: