Numi Huaisen Malala In Donal Trump Mawhthluk

malala-730x548

Tui baihte ih The Nobel Prize ngahtu Malala Yousafzai cun US president si dingih lamtang hawl rero lai tu Donald Trump cu Muslim pawl US ih luh siang nawn lo dingih a thurel cu nasaten a mawhthluk.

Malala Yousafzai cun Donald Trump ih thusimmi cu huatawknak suahtertu tiah a sim ve thung. Cui hleiah Muslim pawl zohtleu an si vivo theitu khal arel tel bet. Curuangah Donald Trump ih Muslim pawl US ih luh sianglo ding ih a thusimmi cu lungput diklo tiah a sim.

Malala hi 2012 ah Taliban pawlin a lu ah an rak kap ngah nan a thi ngah lo mi a si. The Nobel Prize a ngah ihsin leitlun mipipawl ih mit cu a parah a fuu. “Meithal kengtu cun misual pawl an kap that thei ding nan, an thinlung an kap that thei lo” tiah BBC pawl hnenah a sim.

-Agencies

Comments

comments

Comments

%d bloggers like this: