Nule Pa Ih Hremnak Ruangih Tlanhlo Nauhak Kum 7 Mi An Hmusal Zo

yamato-tanooka-comp (1)Japan ram ih kum 7 nauhak mipa, a nu le pa in a nuncan that ding ruahsan ih an hremnak ihsi ni ruk sung hlo mi cu tuini ah a hmu sal zo. Hi tiih an hremnak thu ruangah Japan nu le pa pawl ih titi a titam phah zet.

Hi nauhakpa Yamato Tanooka tiih kawh mi pate hi lampi ih mawtaw tlanlai lungto ih a den ruangah a nu le pa in tuah nawn lo dingih an hrem duhnak ruang ah hmun pakhat, lampi kiangah mawtaw thawn an tan.

A nu le pa in hruai dingih an va zohsal tikah a rak um nawnlo. Cutin ralkap pawl le hotu upa pawl hnenah an fapa hlo mi cu, thlairah an lak laiah a hlo tiin an bum lawk. Sinan nehhnu ahcun thungai simin an hremnak ruangih hlo mi a si tiah an sim aw sal.

Rampum thuthang le online tiangin an hawlnak thu thehdarh a siih, hitluk ih nauhak hrem hi a tullo titu le an nun caan um dan ih zirin hrem ding a sitiih titi thurelnak tamzet a suah pi phah.

Hringtu a pa Takayuki Tanooka in a fapa hnenah, lungkuai le mitthli thawn a duhdawtnak ruangih a tuah mi a si thu a sim ih ngaithiam khal a dil. ‘Ka fapa hi ka duhdawt tuk mi a siih, ka duhdawtnak in ka cawm ih ka enkawl. Hmailam caan khalah ka enkawl vivo dingih tuhnak in ka duhdawt sinsin ding’ tiin ngaithiam dil phah in a rel.

Kum 7 mi Yamato Tanooka hi ralkap pawl umnak buuk kiang ah an hmu. Rawl eiilo ih ni 6 sung a um ruangah rilrawng zetin an sar. Hliam naazet cu zianghman a tuar lo. Tu hi sizung ah an sibawi thiamsang pawl in an enkawl rero lai.#

– Agencies

 

Comments

comments

Comments

%d bloggers like this: